រថយន្តដឹកទឹកត្រី ប.ង្ខំចិត្តបើកបុ.កបង្គោលភ្លើង បន្ទាប់ពីរថយន្តមួយគ្រឿង បត់កា.ត់ពីមុខ
- ភ្នំពេញ
រាជធានីភ្នំពេញ ៖ រថយន្តដឹកទឹកត្រីក្រុមហ៊ុនលាង ឡេងស៊ស មួយគ្រឿងអ្នកបើកបរបង្ខំចិត្តគេចរថយន្តមួយគ្រឿងទៀតដែលបត់កាត់មុខជ្រុលទៅបុកបង្គោលភ្លើងគោនៅ កណ្ដាលទ្រូងផ្លូវពេញទំហឹងបណ្ដាឲ្យអោយគៀប ជាប់អ្នកបើកបរសំណាងល្អពុំបណ្ដាលឱ្យរងរបួសធ្ងន់ធ្ងរឡើយ។នៅក្នុងហេតុការណ៍នោះបណ្ដាលឲ្យស៊ីទែនទឹកត្រីមួយស៊ីទែន ចំណុះ ៣០០០ លីត្របានររអិលធ្លាក់បែកស្អុយទឹកត្រី និងខ្ទាតទៅលើរបស់របរដែលដាក់តាំងលក់ក្បែរនោះ។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៩ព្រឹក ថ្ងៃទី០៧ខែកក្កដាឆ្នាំ២០២៦ នៅតាមផ្លូវជាតិលេខ៥ មុខមន្ទីរពេទ្យបង្អែក ព្រែកព្នៅ ភូមិភូមិពោធិមង្គល សង្កាត់ព្រែកព្នៅខណ្ឌព្រែកព្នៅ រាជធានីភ្នំពេញ។
រថយន្តដែលកើតមានគ្រោះថ្នាក់ ពណ៌សជារថយន្តដឹកទឹកត្រីក្រុមហ៊ុនលាង ឡេងស៊ស ពាក់ស្លាកលេខ ភ្នំពេញ 3E-២៩៩៧ បើកបរដោយយុវជនម្នាក់បានរងរបួសស្រាល មុតដៃនឹងកញ្ចក់។
តាមសាក្សីបានអោយដឹងថា មុនគេក៏បានគេឃើញរថយន្តដឹកទឹកត្រីខាងលើ ធ្វើដំណើរតាមផ្លូវជាតិលេខ៥ ក្នុងទិសដៅ ពីជើងទៅត្បូង ។នៅពេលធ្វើដំណើរមកដល់ចំណុចកើតហេតុស្រាប់តែ រថយន្តខាងលើនោះ ជ្រុលចង្កតទៅឆ្វេងដៃ បុកឡើងខឿនពុះចែកទ្រូងផ្លូវបុកបង្គោលភ្លើង១ដើមហើយគៀបជាប់អ្នកបើកបរ ទៅមុខលែងរួច។ដោយឡែកស៊ីទែនទឹកត្រី១ស៊ីទែនចំណុះ៣០០០លីត្របានខ្ទាតធ្លាក់បែកស្អុយពេញផ្លូវ តែសំណាងពីបណ្តាលអោយត្រូវអ្នកដំណើររងគ្រោះ ថ្នាក់ឡើយ។
តាមសាក្សីបានអោយដឹងទៀតថា ភ្លាមៗនោះក្រុមគ្រូពេទ្យនៅមន្ទីរពេទ្យបង្អែកព្រែកព្នៅក៏បាននាំគ្នាយកកូនសោរទៅជួយដោះដៃចង្កូតដើម្បីយកជនរងគ្រោះដែលគៀបជាប់ចេញ។ទោះបីជាយ៉ាងណាអ្នកបើកបរពុំបានរងរបួសធ្ងន់ធ្ងរនោះឡើយគឺគ្រាន់តែមុតកញ្ចក់ដៃតិចតួចតែប៉ុណ្ណោះ។
តាមអ្នកបើកបរបានឲ្យកោះសន្តិភាពដឹងថា នៅមុនពេលកើតហេតុខ្លួន បើករថយន្តដឹកទឹកត្រីចេញពីព្រែកក្តាម គោលបំណងយកទៅដាក់ឃ្លាំងនៅជ្រោយចង្វារ។នៅពេលមកដល់កន្លែងកើតហេតុមានរថយន្តមួយគ្រឿង បើកទន្ទឹមគ្នាបត់ឆ្វេងកាត់មុខ ជាហេតុធ្វើអោយរូបគាត់បង្ខំចិត្តទាញចង្កូតបុកឡើងខឿនពុះចែកទ្រូងផ្លូវ ទៅបុកបង្គោលភ្លើងដើម្បីបញ្ចៀសគ្រោះថ្នាក់។បន្ទាប់ពីកើតហេតុនគរបាលមូលដ្ឋានចុះទៅសម្រួលចរាចរណ៍និងទាក់ទងទៅនគរបាលចរាចរណ៍ចុះទៅវាស់វែងយករថយន្តទៅកាន់ការិយាល័យចរាចរណ៍ផ្លូវគោកដើម្បីដោះស្រាយសងការខូចខាតទ្រព្យសម្បត្តិសាធារណៈ៕
ចែករំលែកព័តមាននេះ