បើតាមក្រសួងសុខាភិបាល ជំងឺគ្រុនឈាមហាក់កម្រើកនៅតាមមូលដ្ឋានមួយចំនួននៅខេត្តកណ្តាល ដូច្នេះសូមចូលរួមប្រុងប្រយ័ត្នទាំងអស់គ្នា ទោះបីជាពេលនេះក្រុមការងារជំងឺត្រូវបានបញ្ជូនទៅដល់កន្លែងផ្ទុះក៏ដោយ ។
កាលពីថ្ងៃសៅរ៍សប្តាហ៍មុន ក្រសួងបានបញ្ជូនក្រុមការងារចុះជួយអន្តរាគមន៍និងតាមដានស្ថានភាពជំងឺគ្រុនឈាមទៅស្រុកកោះធំ ខេត្តកណ្តាល ដែលមានសេចក្តីរាយការណ៍អំពីការផ្ទុះករណីជំងឹឆ្លងដោយមូសនេះ ។
មូលដ្ឋានដែលមានការឆ្លងគ្រុនឈាមច្រើន គឺក្រុងសំពៅពូន ឃុំឈើខ្មៅ ឃុំព្រែកជ្រៃ និងមានឆ្លងរាយប៉ាយនៅតាមឃុំផ្សេងៗទៀត នៃស្រុកកោះធំ ។
ប្រភពដដែលបានឲ្យដឹងថា តាមស្ថិតិអ្នកជំងឺគ្រុនឈាម ចាប់ពីថ្ងៃទី១៦ ខែមិថុនា ដល់ ថ្ងៃទី៤ ខែកក្កដា ឆ្នាំ២០២៦ នៅភូមិសាស្ត្រទាំងនោះបានកត់ត្រាករណីគ្រុនឈាម សរុបចំនួន៥៧៨នាក់ ក្នុងនោះ អ្នកជំងឺធ្ងន់ដែលត្រូវទៅមន្ទីរពេទ្យគន្ធបុប្ផា ចំនួន៦នាក់ ប៉ុន្តែគ្មានករណីស្លាប់នៅឡើយទេ ។
ពាក់ព័ន្ធនឹងស្ថានភាពនេះ លោកស្រី វេជ្ជបណ្ឌិត យក់ សម្បត្តិ រដ្ឋលេខាធិការទទួលបន្ទុកជំងឺឆ្លង នៃក្រសួងសុខាភិបាល រួមដំណើរដោយ លោកវេជ្ជបណ្ឌិត ហុក គឹមចេង អគ្គនាយកបច្ចេកទេសសុខាភិបាល បានចុះជួយអន្តរាគមន៍ និងតាមដានស្ថានភាពជំងឺគ្រុនឈាម នៅស្រុកកោះធំ ខេត្តកណ្តាលផ្ទាល់ ដើម្បីក្តាប់សភាពការណ៍ និងបច្ចុប្បន្នភាព ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ