ប្រតិបត្តិការចុះបង្ក្រាប៥ទីតាំង សង្ស័យលួចលាក់អនឡាញស្គេម ដោយឃាត់ខ្លួនជនបរទេស១៨០នាក់
- បន្ទាយមានជ័យ
ខេត្តបន្ទាយមានជ័យ ៖ កម្លាំងគណៈបញ្ជាការឯកភាពខេត្ត ចុះប្រតិបត្តិការបង្ក្រាប៥ទីតាំង ដែលសង្ស័យលួចលាក់អនឡាញស្គេម និងឃាត់ខ្លួនជនបរទេស១៨០នាក់ និងរឹបអូសសម្ភារស្គេម ធ្វើឡើងនៅរសៀលថ្ងៃទី០៣ កក្តដា ឆ្នាំ២០២៦ ស្ថិតនៅក្រុងសិរីសោភ័ណ ។
ប្រតិបត្តិការនេះ ដឹកនាំដោយប្រធានគណៈបញ្ជាការឯកភាពខេត្តបន្ទាយមានជ័យ ក្រុងសិរីសោភ័ណ និងមានការសម្របសម្រួលពីព្រៈរាជអាជ្ញារងអយ្យការអមសាលាដំបូងខេត្ត កម្លាំងនគរបាល និងកម្លាំងកងរាជអាវុធហត្ថជាច្រើននាក់ទៀត។
ក្នុងរង្វង់ប្រតិបត្តិការបង្ក្រាបទីតាំងដែលសង្ស័យលួចលាក់ប្រព្រឹត្តិបទល្មើសឆបោកតាមប្រព័ន្ធបច្ចេកវិទ្យាអនឡាញហ្គេមចំនួន៥ទីតាំង ឃាត់ខ្លួនជនបរទេសចម្រុះចំនួន១៨០នាក់ និងរឹបអូសសម្ភារៈស្គេមជាច្រើនគ្រឿង មានកុំព្យូទ័រ និងទូរស័ព្ទដៃ ។
តាំងទី១-ផ្ទញចុងភៅស៊ាងហៃ ឃាត់ខ្លួនជនបរទេសចំនួន១៣០នាក់ ស្ថិតភូមិចក សង្កាត់ព្រៈពន្លា ក្រុងសិរីសោភ័ណ ។ ទីតាំងទី២-នៅអគារក្នុងបុរីចិនខ្មៅ ឃាត់ខ្លួនជនបរទេសចំនួន២៩នាក់ ស្ថិតភូមិក្បាលស្ពាន សង្កាត់ព្រៈពន្លា ក្រុងសិរីសោភ័ណ ។ ទីតាំងទី៣-នៅអគារភោជនីយ៍ដ្ឋានឃាត់ខ្លួនជនបរទេសចំនួន២០នាក់ ស្ថិតភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ទីតាំងទី៤-អគារមួយកន្លែង ស្ថិតភូមិក្បាលស្ពាន សង្កាត់ព្រៈពន្លា ក្រុងសិរីសោភ័ណ កម្លាំងសមត្តកិច្ចកំពុងឡោមព័ទ្ធ និង៥-អគារជាប់មាត់ស្ទឹងសិរីសោភ័ណ ស្ថិតភូមិបី សង្កាត់ព្រៈពន្លា ក្រុងសិរីសោភ័ណសមត្តកិច្ចកំពុងឡោមព័ទ្ធ។
សូមបញ្ជាក់ថា នៅពេលដែលកម្លាំងគណៈបញ្ជាការឯកភាពខេត្តបន្ទាយមានជ័យ ចុះប្រតិបត្តិការបង្ក្រាបអនឡាញស្គេមនៅក្រុងសិរីសោភ័ណចំនួន៥ទីតាំង ឃាត់ខ្លួនជនបរទេសចម្រុះជាតិសាសន៍ចំនួន១៨០នាក់ ប្រជាពលរដ្ឋពិតជាបានសាទរកោត
សសើរ ហើយសុំអោយប្រធានគណៈបញ្ជាការឯកភាពខេត្តបន្ទាយមានជ័យ ត្រូវបោសសម្អាតអោយអស់បទល្មើសអនឡាញស្គេមការពារសន្តិសុខ និងសុវត្ថិភាពជូនប្រជាពលរដ្ឋនិងមុខមាត់ប្រទេសជាតិ ៕
ចែករំលែកព័តមាននេះ