នៅកម្ពុជានៅពេលបច្ចុប្បន្នរថយន្តដែលកំពុងតែឃើញ និងធ្វើចរាចរណ៍នៅលើផ្លូវនានានៅក្នុងប្រទេស ត្រូវបានអ្នកជំនាញអះអាងថា មានប្រមាណជា១០០ម៉ាកឯណោះ ។ នេះបើតាមការចុះផ្សាយដោយទីភ្នាក់ងារព័ត៌មានស៊ីនហួរ ។
ប្រភពដដែលបានអះអាងថា ម៉ាករថយន្តទាំងនេះ គឺមានទាំងរថយន្តថ្មី និងរថយន្តជជុះ រថយន្តពាណិជ្ជគម្ម រថយន្តក្រុង ក៏ដូចជា រថយន្តដឹកទំនិញផ្សេងៗដែល ដែលនាំចូល និងចែកចាយដោយផ្លូវការ និងបណ្តាញទីផ្សារងងឹត ។
អ្នកជំនាញនិយាយថា តម្រូវការរថយន្តថ្មីនៅក្នុងប្រទេសកម្ពុជាកំពុងកើនឡើង ដែលជានិន្នាការមួយដែលត្រូវបានព្យាករណ៍ថា នឹងបន្តដោយសារតែការកែលម្អកម្រិតជីវភាព។
នៅក្នុងរង្វង់ពីខែមករា ដល់ខែឧសភា ឆ្នាំ២០២៦នេះ ប្រភពដដែលបានអះអាងថា កម្ពុជានាំចូលរថយន្តថ្មីសរុប ៣០.០០០ គ្រឿង និងរថយន្តជជុះប្រមាណជា ១៥.០០០ គ្រឿង ។
ប្រភពដដែលបានបន្តថា ចំណែកទីផ្សារសម្រាប់រថយន្តថ្មីបានកើនឡើងដល់៦៦ ភាគរយក្នុងរយៈពេល៥ខែដំបូងនៃឆ្នាំនេះ ពោល គឺកើនឡើងពី៥៩ ភាគរយធៀបនឹងរយៈពេលដដែលនៅឆ្នាំ ២០២៥ ខណៈដែលរថយន្តជជុះបានធ្លាក់ចុះពី ៤១ ទៅ ៣៤ភាគរយ ភាគរយ។
រថយន្តទាំងនោះ គឺជារថយន្តនាំចូល និងរថយន្តដែលជាផលិតផលតម្លើងដោយរោងចក្រតម្លើងរថយន្តនៅកម្ពុជាទាំង១២ក្រុមហ៊ុន ៕
ចែករំលែកព័តមាននេះ