នៅឆមាសទី១នៃឆ្នាំ២០២៦ សមត្ថកិច្ចកម្ពុជាបានឃាត់ខ្លួនជនសង្ស័យ ពាក់ព័ន្ធនឹងករណីគ្រឿងញៀនសរុបប្រមាណជា១២.៥៨១នាក់ ធ្លាក់ចុះតិចតួចពោលគឺត្រឹម១,១៥% ។
ប្រភពពីសមត្ថកិច្ចក៏បានបង្ហើបផងដែរថា នៅក្នុងអំឡុងពេលនេះ សមត្ថកិច្ចបានរឹបអូសគ្រឿងញៀនខុសច្បាប់ប្រហែល២,៣៨តោន និងកញ្ឆាស្ងួត១២,៧គីឡូក្រាម ។
ប្រភពដដែលបានបន្ថែមថា គ្រឿងញៀនដែលរឹបអូសបានក្នុងឆមាសទី១នៃឆ្នាំនេះ បានកើនឡើង បើប្រៀបធៀបទៅនឹងគ្រឿងញៀនខុសច្បាប់ចំនួន១,៤៦តោន និងកញ្ឆាស្ងួត ៣៦៦គីឡូក្រាម ដែលរឹបអូសបានក្នុងរយៈពេលដូចគ្នាកាលពីឆ្នាំមុន ។
គ្រឿងញៀនភាគច្រើនដែលរឹបអូសបាន គឺមានដូចជាកេតាមីន អេស្តាស៊ី ហេរ៉ូអ៊ីន ម៉ាទឹកកក មេតំហ្វេតាមីន កូកាអ៊ីនជាដើម ។
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ