សង្គ្រាមអ៉ីរ៉ង់ ៖ លោកដូណាល់ត្រាំ កាលពីថ្ងៃទី១ កក្កដា បានសម្ដែងការអបអរសាទរ ចំពោះការរីកចម្រើនក្នុងការចរចាគ្នាដោយប្រយោលរវាងអ៉ីរ៉ង់ និងអាមេរិកដោយលើកឡើងថា នោះជាការពិភាក្សាដ៏ល្អបំផុតនៅក្រុងដូហា។
អាមេរិក និងអ៉ីរ៉ង់សុទ្ធតែបញ្ជូនគណៈប្រតិភូមកកាន់កាតា ដែលជាអាជ្ញាកណ្ដាលសំខាន់នៃការពិភាក្សាគ្នាក្នុងសប្ដាហ៍នេះ បន្ទាប់ពីចុងសប្ដាហ៍កំណត់ពីការវាយប្រហារគ្នាជាច្រើនក្នុងតំបន់ ។ ពេលលោកត្រៀមឡើងយន្តហោះថ្មីរបស់ប្រធានាធិបតី ដែលកាតាជាអ្នកផ្ដល់ឲ្យទៅកាន់រដ្ឋដាកូតាខាងជើង លោកត្រាំថ្លែងទៅកាន់ក្រុមអ្នកកាសែតថា ការពិក្សាគ្នាពីការរំសាយនុយក្លេអ៊ែរអ៉ីរ៉ង់ដំណើរការទៅមុខដ៏ល្អ។ នោះជាកិច្ចប្រជុំដ៏ល្អបំផុតមួយ អ្វីៗប្រព្រឹត្តទៅដ៏ល្អហើយយើងចាំមើលតទៅទៀត។
គណៈប្រតិភូអ៉ីរ៉ង់ និងអាមេរិកត្រូវពិក្សាគ្នាដាច់ដោយឡែក ជាមួយអាជ្ញាកណ្ដាលកាតា បន្ទាប់ពីការកើនឡើងនៃការប៉ះទង្គិចគ្នា នៅច្រកសមុទ្រហ័រមូសប៉ុន្មានថ្ងៃចុងក្រោយនេះ។ ដោយដកស្រង់សម្ដីអ្នកទទួលខុសត្រូវអាមេរិកមួយរូបកាសែតញូវយ៉កថែមរាយការណ៍ថា ភាគីទាំង២នឹងជួបគ្នាបន្តទៀតជាមួយអាជ្ញាកណ្ដាលកាតានិងប៉ាគីស្ថាន។ សម្រាប់ពេលនេះអ៉ីរ៉ង់បានទទូច
លើប្រការដែលថា ខ្លួនមិនទទួលយកការជួបគ្នាដោយផ្ទាល់ណាមួយជាមួយសហរដ្ឋអាមេរិកឡើយ ទោះជាក្នុងកម្រិតណាក្ដី។
តាមបណ្ដាអ្នកវិភាគថាសេតវិមានពេលនេះ ហាក់ដូចជាប្រកាន់យកជំហរបង្រួបបង្រួមដែលពីមុនរៀងមកតែងប្រើភាសាគំរាមពីសកម្មភាពយោធាខ្លាំងក្លា ដែលបង្កើនគ្រោះថ្នាក់នៃប្រេងឡើងថ្លៃ មុនការបោះឆ្នោតពាក់កណ្ដាលអាណត្តិប្រធានាធិបតីនាខែកញ្ញាខាងមុខនេះ។ ដោយសារការប្រកាសពីការរីកចម្រើនក្នុងការពិភាគ្សាគ្នានៅក្រុងដូហា តម្លៃប្រេងឆៅក៏កាន់តែធ្លាក់ចុះមកនៅត្រឹមរង្វង់៧២ដុល្លារក្នុងមួយធុង ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ