សុខភាព៖ យោងតាមការចុះផ្សាយពីប្រភពបរទេស ថ្លើមដើរតួនាទីយ៉ាងសំខាន់ក្នុងការបន្សាបជាតិពុល និងគ្រប់គ្រងថាមពល ប៉ុន្តែជំងឺថ្លើមច្រើនតែវិវត្តដោយស្ងៀមស្ងាត់។

ប្រសិនបើអ្នកឧស្សាហ៍ជួបប្រទះការគេងមិនលក់ ភ្ញាក់កណ្តាលយប់ញឹកញាប់ យល់សប្តិអាក្រក់ច្រើន មានអារម្មណ៍មិនស្រួលនៅតំបន់ថ្លើមពេលគេងក្នុងក្បាច់ណាមួយ ឬគេងគ្រប់គ្រាន់តែនៅតែមានអារម្មណ៍អស់កម្លាំងខ្លាំងនៅពេលព្រឹក នោះវាអាចជាសញ្ញាព្រមានពីការថយចុះមុខងារថ្លើម។

ទោះជាយ៉ាងណា សញ្ញាទាំងនេះមិនមែនជាការសន្និដ្ឋានដាច់ខាតនោះទេ ដូច្នេះប្រសិនបើអាការៈទាំងនេះអូសបន្លាយយូរ ឬមានអមដោយការលឿងស្បែក និងភ្នែក អ្នកគួរតែប្រញាប់ទៅពិនិត្យសុខភាព និងធ្វើតេស្តមុខងារថ្លើមឱ្យបានទាន់ពេលវេលា៕