យោងតាមការចុះផ្សាយពីប្រភពបរទេស ជំងឺទឹកនោមផ្អែមមិនមែនជាជំងឺកើតលើតែមនុស្សចាស់នោះឡើយ។ ជាក់ស្តែងក្មេងស្រីវ័យ ១៧ឆ្នាំម្នាក់បានធ្លាក់ខ្លួនដល់ដំណាក់កាលគំរាមកំហាយជីវិត ដោយសារការកើនឡើងជាតិស្ករក្នុងឈាមខ្លាំងពេកបង្កជាអាស៊ីតក្នុងឈាមក្រោយពីរោគសញ្ញាស្រកទម្ងន់និងស្រេកទឹកខ្លាំងអូសបន្លាយរយៈពេលមួយខែ។
ទោះបីជាជំងឺនេះមានការវិវត្តយ៉ាងរហ័សចំពោះយុវវ័យ ប៉ុន្តែវាអាចបង្ការនិងគ្រប់គ្រងបាន ប្រសិនបើអ្នកយកចិត្តទុកដាក់ខ្ពស់លើសញ្ញាព្រមានដូចជា ការស្រេកទឹកខ្លាំង បត់ជើងតូចញឹកញាប់ ហេវហត់និងស្រកទម្ងន់ឆាប់រហ័សខុសប្រក្រតី។ ការប្រញាប់ទៅជួបគ្រូពេទ្យដើម្បីធ្វើតេស្តឈាមទាន់ពេលវេលា គឺជាគន្លឹះតែមួយគត់ដើម្បីការពារកុំឱ្យកើតមានផលវិបាកធ្ងន់ធ្ងរដល់ជីវិត៕
ចែករំលែកព័តមាននេះ