ឡានបុ.កម៉ូតូ រួចជ្រុលទៅបុ.កផ្ទះលោកយាយកំពុងអង្គុយរៀបចំលក់បបរបា.ញ់កាញ់ ផ្អើលមុខផ្សារជីភូ
- ភ្នំពេញ
ខេត្តស្វាយរៀង៖ តាមប្រភពព័ត៌មានបឋមបានឱ្យដឹងថា លោកយាយលក់បបរបាញ់កាញ់ម្នាក់រងរបួសធ្ងន់ធ្ងរ ខណៈកំពុងអង្គុយលក់បបរបាញ់កាញ់ខាងមុខផ្ទះ ស្រាប់តែរថយន្ត១គ្រឿងបើកបុកចូលទៅក្នុងផ្ទះ បណ្តាលឲ្យបាក់បែកតុទូដាក់គ្រឿងលក់បាញ់កាញ់ខ្ទេចហើយខ្ទាតអំបែងកញ្ចក់បុកចំក របួសធ្ងន់ធ្ងរ ។
ហេតុការណ៍នេះបានកើតឡើងនៅវេលាម៉ោង១២និង៣៥នាទីថ្ងៃត្រង់ថ្ងៃទី៣០ មិថុនា ឆ្នាំ២០២៦ នៅលើកំណាត់ផ្លូវជាតិលេខ១ត្រង់ចំណុចខាងមុខផ្សារជីភូ ម្តុំផ្លូវកែងបត់ទៅឃុំពពែត ស្ថិតនៅភូមិថ្នល់ជាតិ សង្កាត់ច្រកម្ទេស ក្រុងបាវិត។
សូមបញ្ជាក់ថា នេះលោកយាយរងគ្រោះទើបតែរៀបចំលក់ បើហេតុការណ៍នេះកើតឡើងម៉ោង២រសៀល ដែលមានមនុស្សចូលមកហូបបាញ់កាញ់ច្រើនវិញ មិនដឹងជាយ៉ាងណាទេ ។
បើតាមសមត្ថកិច្ចបានឲ្យដឹងថា មុនពេលកើតហេតុ គេឃើញអ្នកបើកម៉ូតូម្នាក់បើកម៉ូតូឆ្លងផ្លូវ ស្របពេលនោះក៏មានរថយន្តម៉ាកហ៊ីយិនដាយ១គ្រឿងបើកបរពីទិសខាងកើតមកលិចយ៉ាងលឿន ក៏បុកម៉ូតូពេញទំហឹង បណ្តាលឲ្យម៉ូតូដួលបោកទៅលើថ្នល់រងរបួសធ្ងន់ ចំណែកអ្នកបើករថយន្តបានរេចង្កូតបុកចូលទៅក្នុងផ្ទះលោកយាយលក់បបរបាញ់កាញ់ កិនតុទូចានឆ្នាំងបបរខ្ទេចខណៈម្ចាស់ផ្ទះរងគ្រោះកំពុងអង្គុយលក់ដូរនៅខាងមុខផ្ទះក៏ខ្ទាតអំបែងទូកញ្ចក់បុកចំក បណ្តាលឲ្យរងរបួសធ្ងន់ធ្ងរតែម្តង។
បន្ទាប់មក សមត្ថកិច្ចបានបញ្ជូនជនរងគ្រោះទាំង០២នាក់ទៅសង្គ្រោះនៅមន្ទីរពេទ្យបង្អែកជីភូនៅក្បែរនោះភ្លាមៗដែរ។ ចំណែកម៉ូតូខូចខាងខាងមុខទាំងស្រុង សមត្ថកិច្ចកំពុងពិនិត្យនិងធ្វើការវាស់វែងនឹងស្រាវជ្រាវព័ត៌មានបន្ថែម ។
ព័ត៌លម្អិតនឹងមានផ្សាយជូនបន្ត ៕
ចែករំលែកព័តមាននេះ