មុខសញ្ញាជំនាញគា.ស់ផ្ទះនៅស្ទឹងមានជ័យចំនួន៣ នាក់ ត្រូវចាប់ខ្លួនបញ្ជូនទៅពន្ធនាគារ
- ភ្នំពេញ
រាជធានីភ្នំពេញ ៖ កម្លាំងនាយកដ្ឋាននគរបាលព្រហ្មទណ្ឌនៃអគ្គ ស្នងការដ្ឋាននគរបាលជាតិ បានស្រាវជ្រាវចាប់ខ្លួនជនសង្ស័យជា មុខសញ្ញាជំនាញគាស់ផ្ទះ នៅសង្កាត់ស្ទឹងមានជ័យ១ ចំនួន៣ នាក់ នឹងបានបញ្ជូនទៅតុលាការដើម្បីឲ្យពួកគេសម្រាកក្នុងគុកដែលជាការកាត់បន្ថយសកម្មភាពចោរកម្មនៅតំបន់នោះ។
ដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងការិយាល័យព្រហ្ម ទណ្ឌកម្រិតស្រាលនៃនាយកដ្ឋាននគរបាលព្រហ្មទណ្ឌ បានស៊ើប អង្កេត ស្រាវជ្រាវឃាត់ខ្លួនជនសង្ស័យចំនួន៣នាក់ពាក់ព័ន្ធករណី គាស់ផ្ទះ និងប្រើប្រាស់គ្រឿងញៀននៅសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
ការចាប់ខ្លួនជនសង្ស័យជាមុខសញ្ញាគាស់ផ្ទះនេះ បានធ្វើឡើងនៅថ្ងៃទី២៤ ខែមិថុនា ឆ្នាំ២០២៦ វេលាម៉ោង២០ និង១៥នាទី កម្លាំងជំនាញការិយាល័យ ដឹកនាំដោយលោកឧត្តមសេនីយ៍ទោ អ៊ុក ហេង លោកឧត្តមសេនីយ៍ត្រី វុទ្ធី វង្សវិបុល លោកវរសេនីយ៍ ឯក ចាន់ សុភាព អនុប្រធាននាយកដ្ឋាន និងលោកវរសេនីយ៍ឯក ឡេង ប៊ុនហួរ នាយការិយាល័យព្រហ្មទណ្ឌកម្រិតស្រាល និងលោកវរសេនីយ៍ត្រី ណុប មុនី នាយរងការិយាល័យ។
ជនសង្ស័យទាំង៣នាក់ រួមមាន៖
១.ឈ្មោះ កែវ ជេម ភេទប្រុស អាយុ៣០ ឆ្នាំ ស្នាក់នៅភូមិទ្រា សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ
២.ឈ្មោះ ញ៉ាញ់ មករា ភេទប្រុស អាយុ២២ ឆ្នាំ ស្នាក់នៅ ភូមិទ្រា សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ
៣.ឈ្មោះ សឿន រតនៈ ហៅ ឌី ភេទប្រុស អាយុ២១ ឆ្នាំ ស្នាក់នៅបន្ទប់ជួល ផ្លូវលំ សង្កាត់ព្រៃស ខណ្ឌដង្កោ រាជធានីភ្នំពេញ។
សមត្តកិច្ចបានចាប់យកវត្ថុតាង ៖
.ទោចក្រយាន(កង់) ចំនួន១គ្រឿង
.ធុងបាស់ ចំនួន១ គ្រឿង ជារបស់ជនរងគ្រោះ ត្រូវបានសមត្តកិច្ចប្រគាល់ជូនម្ចាស់វិញ។
ក្រោយឃាត់ខ្លួនជនសង្ស័យទាំង៣ នាក់ សមត្តកិច្ចបានកសាងសំណុំរឿងបញ្ជូនទៅដំបូងរាជធានីភ្នំពេញតាមនីតិវិធី៕
ចែករំលែកព័តមាននេះ