បំបែកសំណុំរឿងឃា.តកម្មសម្លា.ប់បុរសម្នាក់ ឃាត់ខ្លួនជនសង្ស័យ ៣នាក់
- តាកែវ
ខេត្តតាកែវ ៖ កាលពីព្រឹកថ្ងៃទី២៦ ខែមិថុនា ឆ្នាំ២០២៦ មានករ ណីឃាតកម្មមួយ ស្ថិតនៅក្នុងភូមិថ្លុកដូនទុំ ឃុំបានកាម ស្រុកព្រៃ កប្បាស ខេត្តតាកែវ បង្កឡើងដោយជនសង្ស័យមិនស្គាល់អត្ត សញ្ញាណ បានប្រើកាំបិតផ្គាក់និងកាំបិតប៉័ងតោ កាប់និងអារកជនរងគ្រោះបណ្តាលឲ្យស្លាប់ក្នុងថ្លុកឈាម ហើយជនសង្ស័យបានគេចខ្លួនបាត់ស្រមោល។
ជនរងគ្រោះមានឈ្មោះ ប៉ុក លី ភេទប្រុស អាយុ៤៧ ឆ្នាំ រស់នៅភូមិកើតហេតុខាងលើ។
ក្រោយពីទទួលបានព័ត៌មាននេះ ដោយមានការចង្អុលបង្ហាញពី សំណាក់លោកឧត្តមសេនីយ៍ទោ ម៉ែន លី ស្នងការនគរបាលខេត្ត តាកែវ និងលោកឧត្តមសេនីយ៍ត្រី ហ៊ិន សុខខេង ស្នងការរងទទួ លផែនការងារនគរបាលព្រហ្មទណ្ឌ ក្រោមការសម្របសម្រួលពីស្ថាប័នអយ្យការអមសាលាដំបូងខេត្ត នៅថ្ងៃខែខាងលើសមត្តកិច្ចក៏បានធ្វើការស្រាវជ្រាវនិងកំណត់មុខសញ្ញា រហូតឈានដល់ការឃាត់ជនសង្ស័យចំនួន៣ នាក់ ៖
១.ឈ្មោះ ឈុំ ភក្តី ហៅតី ភេទប្រុស អាយុ២៥ ឆ្នាំ
២.ឈ្មោះ សួន សុខណេង ភេទ ប្រុស អាយុ២៩ ឆ្នាំ
៣.ឈ្មោះ ស៊ឹម រី ភេទប្រុស អាយុ៥២ ឆ្នាំ រស់នៅភូមិថ្លុកដូនទុំ ឃុំបានកាម ស្រុកព្រៃកប្បាស ខេត្តតាកែវ។
ជនសង្ស័យបានសារភាពប្រហាក់ប្រហែលគ្នាថា ពួកគេពិតជាបានធ្វើសកម្មភាព កាប់ និងអារកសម្លាប់ជនរងគ្រោះប្រាកដមែន មូលហេតុ មានគំនុំចាស់។ សមត្តកិច្ចបានកសាងសំណុំរឿងបញ្ជូនជនសង្ស័យទាំង៣ នាក់ទៅសាលាដំបូងខេត្ត តាមនីតិវិធី៕
ចែករំលែកព័តមាននេះ