ខេត្តសៀមរាប ៖ ព្រឹត្តិការណ៍ទេសចរណ៍បរិស្ថានប្រចាំឆ្នាំ២០២៦ «បុណ្យដឹងគុណបឹងទន្លេសាប ដែលជាសមុទ្រទឹកសាបកម្ពុជា» ក្រោមប្រធានបទ «ទស្សនារដូវកាលបៃតងកម្ពុជា សម្រាប់សហគមន៍កំពង់ឃ្លាំង» ដែលរៀបចំឡើង នាថ្ងៃទី២៦ ខែមិថុនា ឆ្នាំ២០២៦ នៅសហគមន៍កំពង់ឃ្លាំង ស្រុកសូទ្រនិគម ខេត្តសៀមរាប ។
ព្រឹត្តិការណ៍នេះ បានប្រព្រឹត្តទៅស្របពេលដែលរាជរដ្ឋាភិបាលកម្ពុជា កំពុងយកចិត្តទុកដាក់យ៉ាងខ្លាំងលើការអភិវឌ្ឍទេសចរណ៍បៃតង ទេសចរណ៍សហគមន៍ និងទេសចរណ៍ធម្មជាតិ ដែលជាវិស័យអាទិភាពមួយក្នុងការលើកកម្ពស់កំណើនសេដ្ឋកិច្ច បង្កើតការងារ និងធ្វើឱ្យប្រសើរឡើងនូវជីវភាពរស់នៅរបស់ប្រជាពលរដ្ឋ ។
ប្រធានបទ «ទស្សនារដូវកាលបៃតងកម្ពុជា សម្រាប់សហគមន៍កំពង់ឃ្លាំង» ព្រមទាំងចំណងជើងព្រឹត្តិការណ៍ «បុណ្យដឹងគុណបឹងទន្លេសាប ដែលជាសមុទ្រទឹកសាបកម្ពុជា» ពិតជាមានអត្ថន័យយ៉ាងជ្រាលជ្រៅ ព្រោះមិនត្រឹមតែបង្ហាញពីសម្រស់ធម្មជាតិដ៏សម្បូរបែបនៃរដូវកាលបៃតងនោះទេ ប៉ុន្តែថែមទាំងជាការបង្ហាញនូវការដឹងគុណ និងការទទួលស្គាល់តម្លៃដ៏ធំធេងរបស់បឹងទន្លេសាប ដែលជាប្រភពជីវិត សេដ្ឋកិច្ច និងវប្បធម៌របស់ប្រជាជនកម្ពុជា ៕
ចែករំលែកព័តមាននេះ