នៅពេលដែលកម្ពុជារងឥទ្ធិពលនៃព្យុះពីរ គឺព្យុះទី៨ ឈ្មោះហ៊ីហ្គោស និងព្យុះទី៧ មេខឡា តំបន់ដែលអាចនឹងបន្តរងផលប៉ះពាល់ខ្លាំង គឺនៅតំបន់មាត់សមុទ្របន្ថែមទៀត ។
ក្រសួងធនធានទឹក និងឧតុនិយម បានអះអាងពីថ្ងៃទី២៦ ខែមិថុនា ឆ្នាំ២០២៦ថា សម្ពាធទាបដែលកើតមាននៅលើមហាសមុទ្រប៉ាស៊ីហ្វិកខាងលិច បានវិវត្តទៅជាព្យុះទី៨ឈ្មោះ ហ៊ីហ្គោស ហើយវាក៏ដើរគន្លងផ្លូវរបស់ព្យុះព្យុះ ទី៧ ឈ្មោះ មេខឡា ដែលនាំឲ្យព្យុះទាំងពីរ នៅតែបន្តមានឥទ្ធិពលលើរបបខ្យល់មូសុងនិរតី ដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើកម្ពុជា ទោះបីជាកម្ពុជាពុំស្ថិតនៅក្នុងគន្លងផ្លូវដើរចំរបស់ព្យុះទាំងពីរនេះក៏ដោយចុះ ។
នៅក្រោមឥទ្ធិពលបែបនេះ តំបន់មាត់សមុទ្រ ដែលមានសេចក្តីរាយការណ៍ថា បានភ្លៀងធ្លាក់ច្រើនរួចហើយនាពេលថ្មីៗនេះ អាចនឹងបន្តរងគ្រោះបន្ថែមទៀត ។
ពីថ្ងៃទី២៦ ដល់ថ្ងៃទី ២៨ ខែមិថុនា ឥទ្ធិពលនៃព្យុះទាំងពីរធ្វើឲ្យតំបន់មានសមុទ្រប្រឈមមុខនឹងបាតុភូតភ្លៀង ផ្គររន្ទះ និងខ្យល់កន្ត្រាក់ ដល់៤០ភាគរយ តំបន់វាលទំនាប៣៥ភាគរយ និងតំបន់ខ្ពង់រាបតែ២០ភាគរយទេ ៕
ចែករំលែកព័តមាននេះ