ប្រទេសកុងហ្គោ ៖ រដ្ឋាភិបាលកុងហ្កោគូសបញ្ជាក់ កាលពីថ្ងៃទី២៥ មិថុនា ថា តុល្យការនៃការឆ្លងរាលដានជំងឺអេបូឡា ដែលកំពុងបន្តនៅសាធារណរដ្ឋប្រជាធិបតេយ្យកុងហ្គោ ចំនួនមនុស្សស្លាប់កើនដល់លើសពី៣០០នាក់ហើយ ។ អាជ្ញាធរបានពង្រឹងវិធានការត្រួតពិនិត្យ ដើម្បីទប់ការឆ្លងរាលដាលនៃជំងឺនោះ ។
រដ្ឋាភិបាលកុងហ្គោគូសបញ្ជាក់ថា ចំនួនអ្នកឆ្លងជំងឺនេះ ក្នុងប្រទេសមានដល់១១៥៥នាក់ ក្នុងនោះ ៣០៤នាក់ស្លាប់។ សរុបអ្នកជំងឹ១៣៨នាក់ ត្រូវបានព្យាបាលជា ចំណែក៣២៦នាក់កំពុងជួយព្យាបាល ឬដាក់ឲ្យនៅដាច់ពីគេ។ ក្នុងក្របខណ្ឌនៃការពង្រឹងវិធានការត្រួតពិនិត្យ សាធារណរដ្ឋប្រជាធិបតេយ្យកុងហ្គោសបានរឹតដ្បិតម៉ឺងម៉ាត់ ការដល់ការធ្វើដំណើរសម្រាប់បណ្ដាមនុស្សដែលមកពីបណ្ដាតំបន់មានការឆ្លងអេបូឡា ។
បណ្ដាបុគ្គលិកសុខាភិបាល បណ្ដាភ្នាក់ងារមន្ទីរពិសោធន៍ និងបណ្ដាក្រុមមនុស្សធ្វើការ ក្នុងបណ្ដាតំបន់ប៉ះពាល់ការឆ្លងជំងឹនោះ ត្រូវដាក់ក្រោមការត្រួតពិនិត្យសុខាភិបាលម៉ត់ចត់រយៈពេល២១ថ្ងៃ ។ ក្នុងដំណាក់កាលនោះការធ្វើដំណើររបស់ពួកគេ ទាំងក្នុងនិងទាំងក្រៅប្រទេសត្រូវហាមឃាត់ ។
មនុស្សទាំងអស់ដែលស្នាក់នៅក្នុងខេត្តមានការឆ្លងរាលដាលអេបូឡា អាចធ្វើដំណើរចេញក្រៅប្រទេសបានទាល់តែយ៉ាងតិចក្រោយ២១ថ្ងៃ ស្ថិតនៅខាងក្រៅតំបន់ឆ្លង ។ ជំងឺអេបូឡាពេលនេះ បានឆ្លងដល់បណ្ដាប្រទេសជិតខាង ដោយតាមអង្គការសុខភាពពិភពលោកថា អាចឆ្លងដល់ប្រទេសស៊ូដង់ខាងត្បូងទៀត។ ចំណែកនៅប្រទេសអ៊ូហ្គដ់ដាមានអ្នកឆ្លង២០នាក់រួចហើយដោយ២នាក់ស្លាប់ ។
ការឆ្លងរាលដាលនៃជំងឺនោះ កើតមានតាំងពីពាក់កណ្ដាលខែឧសភា មកដោយសារវីរុសមានឈ្មោះថាBUNDIBUGYOដែលជំងឺនោះបច្ចុប្បន្ននៅមិនទាន់មានវ៉ាក់សាំងការពារ ឬថ្នាំព្យាបាលនៅឡើយ ៕
ចែករំលែកព័តមាននេះ