អាសូរ! ចុងភៅម្នាក់ ទ្រាំដេកថ្ងូរនិងយំមួយយប់ដោយសារគ្រួសក្នុងតម្រងនោមធ្វើទុ.ក្ខ រហូតដល់ស្លា.ប់ក្នុងបន្ទប់ជួល
- ភ្នំពេញ
រាជធានីភ្នំពេញ៖ បុរសម្នាក់មានមុខរបរជាចុងភៅនៅក្នុងរោងចក្រមួយកន្លែងដឹងថាខ្លួនមានជំងឺក្រួសក្នុងតម្រងនោម១ឆ្នាំមកហើយ ប៉ុន្តែគាត់មិនព្រមទៅឲ្យគ្រូពេទ្យជួយយកចេញនោះទេ និងបានទ្រាំឈឺម្នាក់ឯង រហូតដល់ស្លាប់បាត់បង់ជីវិត ។
សាកសពរបស់គាត់ត្រូវបានបងជីដូនមួយប្រទះឃើញនៅក្នុងបន្ទប់ជួលមួយកន្លែងដែលមានទីតាំងស្ថិតនៅក្នុងភូមិត្រពាំងឈូក សង្កាត់កន្ទោក ខណ្ឌកំបូល រាជធានីភ្នំពេញ បង្កឲ្យមានការភ្ញាក់ផ្អើល កាលពីវេលាម៉ោង៩និង៣០នាទីព្រឹកថ្ងៃទី២៦ ខែមិថុនា ឆ្នាំ២០២៦ ។
បុរសរូបនោះឈ្មោះឡន ពិសី អាយុ២៨ឆ្នាំ មុខរបរចុងភៅរោងចក្រ«មីនីបៀរ» គាត់មានប្រពន្ធនិងកូន១នាក់ មានទីលំនៅបច្ចុប្បន្នផ្ទះលេខ១៤១ ភូមិតារាក់ ឃុំព្រៃមូល ស្រុករលាប្អៀរ ខេត្តកំពង់ឆ្នាំ ។
អ្នកស្នាក់នៅជិតបន្ទប់កើតហេតុនោះបាននិយាយថា នៅវេលាយប់ថ្ងៃទី២៥ ខែមិថុនា ពួកគាត់បានឮបុសរូបនោះដេកថ្ងូរនិងយំដែរ ប៉ុន្តែពួកគាត់មិនបានចេញទៅមើល ឬសួរនាំនោះទេ ។ ក្រោយមកក៏មកក៏ស្ងប់ស្ងាតទៅវិញ រហូតដល់វេលាព្រឹកឡើងថ្ងៃទី២៦ ខែមិថុនា ក៏ស្រាប់តែប្រទះឃើញបុរសនោះស្លាប់បែបនេះបាត់ទៅហើយ ដែលការយំនិងថ្ងូរនាយប់នោះទំនងជាជំងឺធ្វើទុក្ខមានអាការៈចុកខ្លាំងហើយមើលទៅ ។
បើតាមបងជីដូនមួយអ្នកស្លាប់បានបំភ្លឺប្រាប់នគរបាលថា ប្អូនប្រុសរបស់គាត់រូបនោះ(សព) បានមកស្នាក់នៅបន្ទប់ជួលកើតហេតុខាងលើម្នាក់ឯង គ្មានអ្នកស្នាក់នៅជាមួយនោះទេ ដោយប្រពន្ធនិងកូនបានរស់នៅឯស្រុកកំណើត ។ ប្អូនប្រុសគាត់ខាងលើមានជំងឺក្រួសក្នុងតម្រងនោមរយៈពេល១ឆ្នាំមកហើយ ប៉ុន្តែអត់បានទៅឲ្យគ្រូពេទ្យយកចេញនោះទេ ដោយអាការៈជំងឺនោះគឺធ្វើទុក្ខឈឺនៅលើថ្ងាសប្រដាប់ភេទ ហើយក៏ចេះតែទ្រាំឈឺចាប់ម្នាក់ឯងរហូតមក ។
សាក្សីដដែលបានប្រាប់នគរបាលបន្តទៀតថា លុះដល់វេលាម៉ោងប្រមាណ៩ព្រឹកថ្ងៃទី២៥ ខែមិថុនា ឆ្នាំ២០២៦ ប្អូនប្រុសបានប្រាប់គាត់(បងជីដូនមួយ)ថា បងកាលពីថ្ងៃទី២៤ ខែមិថុនា ខ្ញុំបានទៅថតមើលអេកូសាស្ត្រ ហើយឃើញក្រួសនៅក្នុងតម្រងនោមខ្ចំនួនញុំ២ដុំដែល១ដុំទំហំ៨លី និង១ដុំទៀតទំហំ៩លី ។ រហូតដល់វេលាម៉ោង៩និង៣០នាទីព្រឹកថ្ងៃទី២៦ ខែមិថុនា ដោយបាត់មិនឃើញប្អូនប្រុសទៅធ្វើការដូចរាល់ថ្ងៃ គាត់ក៏បានទៅមើលដល់បន្ទប់ជួល និងបានគោះទ្វារហៅ ប៉ុន្តែមិនបានឮប្អូនប្រុសឆ្លើយតបទាល់តែសោះ ។
បងជីដូនមួយដដែលនោះបានប្រាប់នគរបាលបន្ថែមថា ខណៈនោះទ្វារ និងបង្អួចជាប់គន្លឹះពីខាងក្នុងមិនអាចបើកបានឡើយ គាត់ក៏ស្រែកហៅអ្នកជិតខាងឲ្យទៅជួយមើល ។ បន្ទាប់មកក៏សម្រេចគាស់ទ្វារចូលទៅមើល ក៏ស្រាប់តែឃើញប្អូនប្រុសដេកស្លាប់បាត់ទៅហើយ ទើបរាយការណ៍ជូននគរបាលឲ្យចុះទៅពិនិត្យកោសល្យវិច័យតែម្ដង ៕
ចែករំលែកព័តមាននេះ