សង្គ្រាមអ៉ីរ៉ង ៖ ប្រធានាធិបតីអាមេរិក លោកដូណាល់ត្រាំ កាលពីថ្ងៃទី២៣ មិថុនា បានបរិហារសេចក្ដីសម្រេចជានិម្មិត្តរូបរបស់សភា បញ្ជាឲ្យដកកងទ័ពអាមេរិក ក្នុងជម្លោះប្រឆាំងអ៉ីរ៉ង់ដោយអះអាងថា លោកបានរុញអ៉ីរ៉ង់ឲ្យជាប់ក្នុងចំណងហើយ។
តាមមបណ្ដាញសង្គម TRUTH SOCIAL លោកត្រាំសរសេរថា ខ្ញុំបានបញ្ជូនអ៉ីរ៉ង់ឲ្យជាប់ក្នុងចំណងប្រុងរលំរលាយ តែព្រឹទ្ធសភាអាមេរិកបែរជាសម្រេចរៀបចំការបោះឆ្នោតមិនសមស្របមួយ និងគ្មានន័យលើច្បាប់ស្ដីពីអំណាចសង្គ្រាមទៅវិញ ។ លោក
លើកបែបនេះ ពេលអាមេរិកនិងអ៉ីរ៉ង់កំពុងចរចាគ្នា ដើម្បីបញ្ចប់ជារៀងរហូតជម្លោះនៅមជ្ឈឹមបូព៌ា ។
មុននេះបន្តិច ព្រឹទ្ធសភាអាមេរិកបានអនុម័តសេចក្ដីសម្រេចជានិម្មិត្តរូបនោះ ដោយ៥០សំឡេងគាំទ្រ និង៤៨សំឡេងប្រឆាំង។ ដោយគ្រាន់តែជានិម្មិត្តរូបសេចក្ដីសម្រេចនេះ មិនទាំងចាំបាច់ឲ្យលោកត្រាំប្រើវេតូជំទាស់ផង ។ ពេលបញ្ជូនសេចក្ដីសម្រេចនេះដាក់ជូនសភាអនុម័តបន្ត នាដើមខែខាងមុខ ប្រធានាធិបតីអាមេរិក បានបរិហារសេចក្ដីសម្រេចចនោះថា ប្រព្រឹត្តផ្ទុយនឹងលទ្ធិស្នេហាជាតិពីសំណាក់ ពួកអ្នកប្រជាធិបតេយ្យ និងសមាជិកសភាសាធារណរដ្ឋ៤រូបដែលរួមដៃ ។
លោកថា ពួកអ្នកប្រជាធិបតេយ្យចង់ឃើញប្រទេសយើងបរាជ័យជាជាងឲ្យខ្ញុំដណ្ដើមបានជ័យជម្នះថ្មីទៀត ក្នុងចំណោមជ័យជម្នះជាច្រើន ។ ពួកប្រឆាំងជាអ្នកប្រជាធិបតេយ្យ ចាប់តាំងពីច្រើនសប្ដាហ៍មកហើយ ប៉ុនប៉ងរឹតត្បិតអំណាចយោធារបស់លោកត្រាំ ក្នុងជម្លោះប្រឆាំងអ៉ីរ៉ង់ដោយចោទថា ធ្វើសង្គ្រាមមិនឆ្លងកាត់សភា ។ តាមរដ្ឋធម្មនុញ្ញអាមេរិកថា មានតែសភាទេដែលអាចសម្រេចប្រកាសសង្ក្រាម តែក៏មានច្បាប់មួយដែលអាចឲ្យប្រធានាធិបតីប្រកាសសង្ក្រាម ដើម្បីឆ្លើយតបការគំរាមកំហែងភ្លាមៗ តែទាមទារឲ្យទទួលបានការអនុញ្ញរបស់សភាបើសង្គ្រាមនោះធ្វើហួសពី ៦០ថ្ងៃ។
សង្គ្រាមប្រឆាំងអ៉ីរ៉ង់បានលើសពី៦០ថ្ងៃដោយពួកអ្នកប្រជាធិបតេយ្យបរិហារថា កងទ័ពអាមេរិនៅបន្ត ទោះបីការហ៊ុមព័ទ្ធកំពង់ផែអ៉ីរ់ង់ត្រូវលុបចោល ក្រោយការចុះហត្ថេលេខាលើកិច្ចព្រមពៀងជាគោលការណ៍មួយកាលពីសប្ដាហ៍មុនក្ដី ៕
ចែករំលែកព័តមាននេះ