សង្គ្រាមអ៉ីរ៉ង់ ៖ កាលពីថ្ងៃទី២៣ មិថុនា ក្នុងការចរចាបន្ត អាមេរិកនិងអ៉ីរ៉ង់ មានការខ្វែងគំនិតគ្នាលើលទ្ធភាពនៃការធ្វើអធិការកិច្ចរបស់ អ.ស.ប លើបណ្ដាទីតាំងនុយក្លេអ៊ែររបស់ខ្លួន ដែលរងការកម្ទេចដោយអាមេរិក ។
ខណៈបណ្ដាអ្នកទទួលខុសត្រូវរបស់ប្រទេសទាំង២ ចរចាគ្នាលើបែបបទនៃការបញ្ចប់សង្គ្រាមជាស្ថាពរ ផែនការផ្សេងមួយទៀតក៏លេចឡើង ដើម្បីដោះស្រាយសភាពការណ៍នៅច្រកសមុទ្រហ័រមូស ។ ការខ្វែងគំនិតគ្នានោះកើតឡើង ក្នុងពេលដែលប្រធានាធិបតីអ៉ីរ៉ង ជួបជាមួយអ្នកអាជ្ញាកណ្ដាលប៉ាគីស្ថាន និងក្នុងពេលដែលក្រុមបច្ចេកទេសអ៉ីរ៉ង់ និងអាមេរិកបន្តការចរចានៅ
ស្វ៊ីស។
ទីភ្នាក់ងារ អ.ស.ប មួយថ្លែង កាលពីថ្ងៃទី២៣ មិថុនា ថា ផែនការមួយកំពុងតែតាក់តែង ដើម្បីឲ្យបណ្ដានាវានិងនាវិកច្រើនពាន់នាក់ដែលជាប់គាំង នៅច្រកសមុទ្រហ័រមូស អាចបន្តដំណើរបាន។ មុននេះ នាថ្ងៃទី២៣ មិថុនា ដែរ អ្នកនាំពាក្យម្នាក់របស់ក្រសួងការបរទេសអ៉ីរ៉ង់ លោកអេស្មាអ៊ីលបាហ្គាអី និយាយទៅកាន់ក្រុមអ្នកកាសែតនៅក្រុងតេហេរ៉ង់ថា ពុំមានការធ្វើអធិការកិច្ចបណ្ដាទីតាំងនុយក្លេអ៊ែរអ៉ីរ៉ង់ ដែលរងការទម្លាក់គ្រាប់បែកកាលពីឆ្នាំទៅមិញ ដោយសហរដ្ឋអាមេរិក គ្រោងធ្វើដោយអ.ស.បឡើយ ។
លោកបានបដិសេធការលើកឡើងរបស់អនុប្រធានាធិបតីអាមេរិក លោកឌីជីវ៉ាន ដែលថា ការចរចានៅស្វ៊ីសសម្រេចបានកិច្ចព្រមព្រៀងមួយ ដែលអាចឲ្យទីភ្នាក់ងារថាមពលបរមាណូអន្តរជាតិ ធ្វើអធិការកិច្ចនៅបណ្ដាទីតាំងនុយក្លេអ៊ែរអ៉ីរ៉ង់ ។ ប្រធានាធិបតីអាមេរិក លោកដូណាល់ត្រាំ អះអាងនាថ្ងៃទី២៣ មិថុនា ប្រាប់ដល់បណ្ដាអ្នកកាសែតថា ប្រសិនបើអ៉ីរ៉ង់ មិនទទួលយកការធ្វើអធិការកិច្ចនោះទេ លោកនឹងបញ្ចប់ភ្លាមការចរចាជាមួយអ៉ីរ៉ង់ ។ ប៉ុន្តែលោកបន្តថា វាមិនបន្ទាន់ឡើយដែលចាប់ផ្ដើមធ្វើបែបនោះ ។
ចំណែកផែនការជម្លៀសនាវិកប្រមាណជា១១.០០០នាក់ ជាប់លើបណ្ដានាវាបានចាប់ផ្ដើមអនុវត្តហើយ ដោយរួមសហការជាមួយអ៉ីរ៉ង់ និងអូម៉ង់ គ្រប់រដ្ឋនៅជាប់ឆ្នេរសមុទ្រតំបន់ សហរដ្ឋអាមេរិកនិងផ្នែកសមុទ្រ ។ នេះបើតាមការលើកឡើងរបស់អគ្កលេខាធិការអង្គការសមុទ្រអន្តរជាតិ លោកអាសឺនីញ៉ូដូមីនហ្គេស ។ អង្គការនោះបញ្ជាក់ថា ការចេញដំណើររបស់បណ្ដានាវាធ្វើបន្តបន្ទាប់គ្នា ដើម្បីចៀសវាងគ្រោះថ្នាក់នៃការបុកគ្នា ។
ការចរចារវាងអាមេរិក និងអ៉ីរ៉ង់ ដើម្បីស្វែងរកសន្តិភាពដ៏ស្ថិតស្ថេរមួយនៅមជ្ឈឹមបូព៌ា ចាប់ផ្ដើមនារសៀលថ្ងៃទី២១ មិថុនា នៅសណ្ឋាគារដ៏ទំនើបមួយ ក្នុងតំបន់ភ្នំALPES ស្វ៊ីស ៤ថ្ងៃបន្ទាប់ពីការចុះហត្ថលេខាលើពិសារនៃកិច្ចព្រមព្រៀងដ៏ផុយស្រួយ មួយដោយសារសភាពការណ៍នៅលីបង់ ៕
ចែករំលែកព័តមាននេះ