ជំនាញជលផលសហការជាមួយកម្លាំងសមត្ថកិច្ចបង្ក្រា.បបទល្មើសនេសាទក្នុងរដូវបិទក្នុងភូមិសាស្ត្រស្រុកកងមាសបំផ្លា.ញចោលស្បៃមុង
- កំពង់ចាម
ខេត្តកំពង់ចាម: ប្រតិបត្តិការរបស់ជំនាញជលផលបានសហការជាមួយមន្ត្រីអាជ្ញាធរមូលដ្ឋានដោយបានបន្តសកម្មភាពចុះបង្ក្រាបបទល្មើសនេសាទក្នុងរដូវបិទដែលធ្វើឡើងនៅ ថ្ងៃទី២២ ខែមិថុនា ឆ្នាំ២០២៦។ក្នុងភូមិសាស្ត្រស្រុកកងមាសដែលនៅជាប់ដងទន្លេមេគង្គ ជាមួយនោះបានកំទេចឧបករណ៍នេសាទខុសច្បាប់នៅនឹងកន្លែងបានជាច្រើនរយម៉ែត្រព្រមទាំងចាក់លែងកូនត្រីចម្រុះក្នុងបឹងធម្មជាតិ។
បើតាមលោកលី ស្រ៊ី នាយខណ្ឌជលផលខេត្តកំពង់ចាម បានឱ្យដឹងថា ដោយមានការណែនាំពីថ្នាក់លើរូបលោកបានចាត់ឱ្យកម្លាំងក្រោមឱវាទសហការជាមួយអធិការដ្ឋានរដ្ឋបាលជលផលមេគង្គ អាជ្ញាធរស្រុកកងមាស កងរាជអាវុធហត្ថស្រុកកងមាស និងអធិការដ្ឋាននគរបាលស្រុកកងមាស ដោយមានការសម្របសម្រួលពីឯកឧត្តម ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្ក្រាបបទល្មើសជលផលបានចំនួន ០១ករណីដោយរុះរើ និងបំផ្លាញចោលនូវឧបករណ៍ខុសច្បាប់ នៅនឹងកន្លែង ០១ករណី នៅចំណុចបឹងវាលលេង ឃុំសូរគង ស្រុកកងមាស ខេត្តកំពង់ចាម។
ជំនាញជលផលបានបន្តឲ្យដឹងទៀតថាក្នុងប្រតិបត្តិការនេះបានដកហូតវត្ថុតាងបំផ្លាញចោល នៅនិងកន្លែង រួមមាន ៖
-ឧបករណ៍លូស្បៃមុងចំនួន ១២មាត់
-របាំងស្បៃមុងប្រវែង ១៧០ម៉ែត្រ
-បង្គោលចំនួន ១១០ដើម
-ចាក់លែងកូនត្រីចម្រុះទម្ងន់ ០៤គីឡូក្រាម។
បន្ទាប់មកសមត្ថកិច្ចចម្រុះ បានផ្សព្វផ្សាយច្បាប់ស្តីពីជលផល ដល់ប្រជានេសាទចំនួន១៥នាក់ នៅចំណុចបឹងកន្លែង(ក្រោយឡឥដ្ឋ) ឃុំសូរគង ស្រុកកងមាសឲ្យយល់ដឹងពីច្បាប់ជលផលធ្វើយ៉ាងណាឲ្យពួកគាត់នេសាទឧបករណ៍ស្របច្បាប់ជាលក្ខណៈគ្រួសារក្នុងរដូវបិទ ៕
ចែករំលែកព័តមាននេះ