ប្រទេសកាណាដា ៖ មនុស្ស៣នាក់ស្លាប់ ក្នុងនោះ មានប៉ូលិសម្នាក់និងជនសង្ស័យ កាលពីថ្ងៃទី២២ មិថុនា ដោយសារការបាញ់ប្រហារក្នុងសង្កាត់មួយ នាកណ្ដាលក្រុងម៉ុងរេអាល់ កាណាដា កន្លែងដែលមានហាងនិងភោជនីយដ្ឋានជ្វីហ្វជាច្រើន។
តាមប៉ូលិសថា មនុស្សទី៣ដែលស្លាប់ ជាអ្នករស់នៅក្នុងសង្កាត់COTE- DES- NEIGAS ភាគខាងលិចក្រុង ។ ប៉ូលិសមិនទាន់បញ្ជាក់ពីមូលហេតុនៃការបាញ់ប្រហារនោះនៅឡើយ ។ ក្នុងសន្និសីទសារព័ត៌មានមួយ ប្រមុខប៉ូលិសក្រុងម៉ុងរេអាល់លោកហ្វាឌីដាហ្គ័រនិយាយថា មកដល់ពេលនេះ ក្នុងការបាញ់ប្រហារកំណត់ឃើញមានតែជនសង្ស័យម្នាក់គត់ ដែលត្រូវបាញ់ស្លាប់។ លោកបានរៀបរាប់ពីការបាញ់តតាំងគ្នា រវាងប៉ូលិសនិងខ្មាន់កាំភ្លើង។
បណ្ដារូបភាពតាមបណ្ដាញសង្គមបង្ហាញបុរសម្នាក់ស្លៀកពាក់ឯកសណ្ឋានយោធា កាន់កាំភ្លើង១ដើមដេកដួលលើដី។ នារីប៉ូលិសម្នាក់ក៏រងរបួសដែរតែមិនមានគ្រោះថ្នាក់ដល់អាយុជីវិតឡើយ ៕
ចែករំលែកព័តមាននេះ