ពាណិជ្ជកម្មកម្ពុជាជាមួយនឹងប្រទេសបីនៅក្នុងតំបន់អាស៊ីអគ្នេយ៍បានស្ទុះឡើងខ្លាំងបំផុតនៅក្នុងរយៈពេល៥ខែដើមឆ្នាំ២០២៦ ។ នេះបើតាមស្ថិតិដែលចេញដោយអគ្គនាយកដ្ឋានគយនិងរដ្ឋាករ ។
ប្រភពដដែលបានឲ្យដឹងថា ប្រទេសទាំងបីនោះ គឺសិង្ហបុរី ម៉ាឡេស៊ី និងឥណ្ឌូនេស៊ី ។ ដោយសិង្ហបុរី មានទំហំពាណិជ្ជកម្មសរុបតម្លៃ១,០៧ពាន់លានដុល្លារ មានកំណើនកើនឡើង២៤២ ភាគរយ ម៉ាឡេស៊ីមានទំហំ៦៥៩ លានដុល្លារកើនឡើងជិត៥៤ភាគរយ ហើយឥណ្ឌូនេស៊ី មានតម្លៃជាង៥៥១លានដុល្លារ កើនឡើងជាង១៧ភាគរយ ។
ដោយឡែកពាណិជ្ជកម្មកម្ពុជា និងថៃ នៅបន្តមានចរន្តនាំចេញនាំចូលបន្តដដែល គ្រាន់តែថមថយពី១,៨៧ ពាន់លាន មកនៅត្រឹម១,១៥ ពាន់លានដុល្លារ ពោល គឺថយចុះជិត ៣៩ ភាគរយ គិតជាទឹកប្រាក់ធ្លាក់ដល់ជាង៧០០ លានដុល្លារ ៕
ចែករំលែកព័តមាននេះ