ខេត្តបន្ទាយមានជ័យ ៖ នរណាមិនភ័យនោះ ភ្ជួរស្រែសុខៗជួបកំណប់គ្រា.ប់ ! កសិករនៅបន្ទាយមានជ័យ ប្រទះឃើញគ្រាប់មិនទាន់ផ្ទុះមួយគំនរក្នុងដីស្រែ ។
អាជ្ញាធរមីន បានប្រកាសនាព្រឹកថ្ងៃទី២២ ខែមិថុននានេះថា ៖ កសិករមួយរូប បានប្រទះឃើញគ្រា.ប់មិនទាន់ផ្ទុះជាច្រើនគ្រាប់ ពេលគាត់កំពុងភ្ជួរដីស្រែរបស់គាត់ ក្នុងភូមិក្បាលក្របី ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ហើយភ្លាមៗនោះគាត់បានរាយការណ៍ជូនក្រុមស្រាវជ្រាវ និងកម្ទេចគ្រាប់របស់អង្គការហេឡូត្រាស្ត ។
អាជ្ញាធរមីន បានបន្តថា ក្រុមជំនាញបានពិនិត្យហើយក៏បានឃើញគ្រាប់មិនទាន់ផ្ទុះមួយរណ្តៅទៀត នៅក្បែរនោះ ។ ការរាយការណ៍ភ្លាមៗ និងទាន់ពេលវេលា អំពីវត្ថុគ្រោះថ្នាក់ទាំងនេះ គឺជាទង្វើប្រកបដោយសុវត្ថិភាព ។
អាជ្ញាធរមីន សូមអំពាវនាវដល់បងប្អូនប្រជាពលរដ្ឋ នៅពេលប្រទះឃើញមីន គ្រាប់មិនទាន់ផ្ទុះ គ្រាប់បែកចង្កោម និងវត្ថុចំឡែកសង្ស័យជាគ្រាប់ សូមកុំប៉ះពាល់ កែច្នៃ គប់ ដុំឬចល័តទៅទីណាមួយ គ្រាប់ទាំងនោះនឹងធ្វើឨ្យរបួស ពិការ ស្លា.ប់ គ្រប់ពេល និងសូមរាយការណ៍ជាបន្ទាន់ ទៅអាជ្ញាធរមានសមត្ថកិច្ច ប៉ុស្តិ៍នគរបាល មេភូមិ មេឃុំ និងប្រតិបត្តិករបោសសម្អាតមីន តាមរយ:លេខទូរស័ព្ទ ដូចខាងក្រោម ៖ 012 800 473, 011 38 39 37, 097 489 5600, 066 612 613, 063 96 34 99 ៕
ចែករំលែកព័តមាននេះ