២ថ្ងៃជាប់គ្នា! គ្រោះថ្នាក់ចរាចរណ៍នៅក្រុងបូកគោ និងស្រុកទឹកឈូ ស្លា.ប់ម្នាក់ និងរបួ.ស៣នាក់
- កំពត
ក្រុងបូកគោ៖ មានករណីគ្រោះថ្នាក់ចរាចរណ៍មួយកើតឡើង នៅថ្ងៃទី១៨ មិថុនា ឆ្នាំ២០២៦ វេលាម៉ោង១៥ និង៤០នាទីរសៀលរវាងរថយន្ដនិងម៉ូតូក្នុងទិសដៅបញ្ច្រាសទិសគ្នា លើកំណាត់ផ្លូវជាតិលេខ៣២ (លើភ្នំបូកគោ) ចន្លោះបង្គោលគីឡូម៉ែត្រលេខ១៩-២០ ស្ថិតនៅភូមិរលួស សង្កាត់បឹងទូក ក្រុងបូកគោ ខេត្តកំពត ។
ប្រភពពីសមត្ថកិច្ចនៅកន្លែងកើតហេតុបានឲ្យដឹងថា ករណីគ្រោះថ្នាក់ខាងលើ គឺបង្កឡើងដោយភាគីម៉ូតូ មានម៉ាកហុងដាឌ្រីម ពណ៌ខ្មៅ ពាក់ផ្លាកលខតាកែវ1AD-7240 បើកបរដោយឈ្មោះសឿន បូរី ភេទប្រុស អាយុ១៥ឆ្នាំ រស់នៅភូមិថ្មកែវ ស្រុកត្រាំកក់ ខេត្តតាកែវ របួសធ្ងន់ ដោយធ្វើដំណើរពីទិសដៅជើងទៅត្បួង (ចុះពីលើភ្នំ) អត់ពាក់មួកសុវត្ថិភាព និងអ្នករួមដំណើរ២នាក់ ទី១ ឈ្មោះបូរ ករុណា ភេទប្រុស អាយុ១៥ឆ្នាំ រស់នៅភូមិនៀល ស្រុកត្រាំកក់ ខេត្តតាកែវ របួសធ្ងន់ អត់ពាក់មួកសុវត្ថិភាព ទី២ -ឈ្មោះសំ តុលា ភេទប្រុស អាយុ១៥ឆ្នាំ រស់នៅភូមិឫស្សីស្រុក ឃុំញ៉ែងញ៉ង ខេត្តតាកែវ របួសស្រាល អត់ពាក់មួកសុវត្ថិភាព។
ចំណែករថយន្ដម៉ាកBYD ពណ៌ខ្មៅ ពាក់ផ្លាកលេខភ្នំពេញ2CJ-3849 បើកបរដោយឈ្មោះហ៊ុយ សេងជី ភេទប្រុស អាយុ១៨ឆ្នាំ អាសយដ្ឋាន ផ្ទះ៦១អឺ០ ភូមិ៧ សង្កាត់ទូលស្វាយព្រៃទី១ ខណ្ឌបឹងកេងកង ភ្នំពេញ គ្មានរបួស ទិសដៅពីត្បួងទៅជើង(ឡើងលើភ្នំ) នាក់រួមដំណើរ១នាក់ឈ្មោះជៀវ ច័ន្ទបុត្រ ភេទប្រុស អាយុ២០ឆ្នាំ អាសយដ្ឋាន ផ្ទះB២០ ផ្លូវ២ ភូមិព្រែកតាគង់៣ សង្កាត់ចាក់អង្រែលើ ខណ្ឌមានជ័យ ភ្នំពេញ (គ្មានរបួស) មូលហេតុអ្នកបើកបរម៉ូតូបង្កបើកបរពីជើងទៅត្បួងក្នុងល្បឿនលឿនដល់ផ្លូវកោង ខ្វះការប្រុងប្រយ័ត្នបានជ្រុលចង្កូតទៅបុករថយន្ដរងគ្រោះចំពីមុខនៃរថយន្ដបណ្ដាលអោយយម៉ូតូបង្ករដួលរងគ្រោះថ្នាក់តែ
ម្ដង។
ករណីនេះ បណ្តាលឱ្យមនុស្សរងរបួស និងខូចខាតសម្ភាររួមមាន មនុស្សរងរបួសធ្ងន់ចំនួន២នាក់ (ប្រុស) និង១នាក់រងរបួសស្រាលប្រុស ។ ម៉ូតូខូចខាតកម្រិតធ្ងន់ចំនួន១គ្រឿង និងរថយន្ដខូចខាតកម្រិតធ្ងន់១គ្រឿង ត្រូវបានយកមករក្សាទុកនៅអធិការដ្ឋាននគរបាលក្រុងបូកគោជាបណ្ដោះអាសន្ន។ ក្រោយកើតហេតុ សមត្ថកិច្ចយើងបានធ្វើការវាស់វែង និងដឹកអ្នករងរបួសធ្ងន់ស្រាលចំនួន៣នាក់តាមរថយន្តរបស់មន្ទីរពេទ្យលើភ្នំបូកគោ ដើម្បីយកទៅសង្គ្រោះនៅមន្ទីពេទ្យបង្អែកខេត្តកំពត។
ករណីទី២ ស្រុកទឹកឈូ មានករណីគ្រោះថ្នាក់ចរាចរណ៍កើតឡើងនៅចំណុចលើស្ពានខៀវ រវាងម៉ូតូនិងរថយន្តលើផ្លូវជាតិលេខ៣៣ នៅចន្លោះគីឡូម្រ៉ែតលេខ៦ មានទិសដៅផ្ទុយគ្នា ស្ថិតនៅភូមិត្រពាំងសង្កែ ឃុំត្រពាំងសង្កែ ស្រុកទឹកឈូ ខេត្ត
កំពត ។
ហេតុការណ៍នេះ កើតឡើងកាលពីវេលាម៉ោង២ និង៥៦នាទីថ្ងៃទី១៩ ខែមិថុនា ឆ្នាំ២០២៦ រវាងម៉ូតូនិងរថយន្តមានទិសដៅផ្ទុយគ្នាជាមួយម៉ូតូពីលិចទៅកើត ។ ប្រភពពីសមត្ថកិច្ចចរាចរណ៍ឱ្យដឹងថា ១-អ្នកបើកបរម៉ូតូបង្កឈ្មោះ អ៊ឹម វុទ្ធី ភេទប្រុស អាយុ៣១ឆ្នាំ ទីលំនៅបច្ចុប្បន្ន ភូមិកំពុងត្នោត ឃុំកូនសត្វ ស្រុកទឹកឈូ ខេត្តកំពត បើកម៉ូតូម៉ាក ហុងដាឌ្រីមC125 ពណ៌ខ្មៅ ពាក់ស្លាកលេខកំពត 1Q-6667 ទិសដៅពីលិចទៅកើត (ស្លាប់នៅនិងកន្លែងកើតហេតុ) ក្រោយពីសមត្ថកិច្ចត្រួតពិនិត្យវាស់វែងរួចក៏បានប្រគល់សពឱ្យទៅសាច់ញាតិយកទៅធ្វើបុណ្យតាមប្រពៃណី ។
រថយន្តម៉ាកHYUNDAI MIGHTY ពណ៌ស ពាក់ស្លាកលេខភ្នំពេញ 3S-7837 មានទិសដៅពីកើតទៅលិច អ្នកបើកបររថយន្ដមិនស្គាល់អត្តសញ្ញាណ បានរត់គេចខ្លួនបាត់ មុនសមត្ថកិច្ចទៅដល់ ។ តាមការសន្និដ្ឋានរបស់សមត្ថកិច្ចអំពីមូលហេតុ អ្នកបើកបរម៉ូតូបានរេចង្កូតទៅធ្វេងចូលផ្លូវអាទិភាពរបស់ភាគីខាងរថយន្ដ ក៏បានបុករថយន្ដពេញទំហឹង បណ្ដាលឲ្យអ្នកបើកបរម៉ូតូដួលស្លាប់ភ្លាមៗនៅនិងកន្លែងកើតហេតុ ។
ក្រោយកើតតហេតុ កម្លាំងសមត្ថកិច្ចជំនាញសហការជាមួយកម្លាំងប៉ុស្តិ៍នគរបាលរដ្ឋបាលត្រពាំងសង្កែ បានចុះដល់វាស់វែង និងប្រមូលវត្ថុតាង ទាំងម៉ូតូ១គ្រឿង និងរថយន្ដ១គ្រឿង បានយកមករក្សាទុកនៅអធិការដ្ឋាននគរបាលស្រុកទឹកឈូ រង់ចាំដោះស្រាយតាមច្បាប់ពេលក្រោយ ៕
ចែករំលែកព័តមាននេះ