ស្ថានភាពព្រះរាជសុខភាពព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជានៅតែរឹងមាំ ដោយព្រះអង្គនៅមានព្រះភ័ក្រស្រស់ស្រាយហើយអាចយាងទទួលព្រះរាជសវនាការជាមួយ លោក វ៉ាង យី (Wang Yi) សមាជិកការិយាល័យនយោបាយនៃគណៈកម្មាធិការកណ្តាលបក្សកុម្មុយនិស្តចិន និងជារដ្ឋមន្ត្រីការបរទេសចិន បាន ។
ទីភ្នាក់ងារព័ត៌មានស៊ីនហួរបានរាយការណ៍ថា ព្រះរាជសវនាការនេះ គឺបានរៀបចំនៅ ព្រះរាជដំណាក់រដ្ឋធានីប៉េកាំង កាលពី ថ្ងៃទី១៧ ខែមិថុនា ឆ្នាំ២០២៦។
ព្រះអង្គបានយាងព្រមគ្នាជាមួយនឹងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ។
នាឱកាសនោះ លោក វ៉ាង យី បានពាំនាំនូវការសួរសុខទុក្ខ និងជូនពរពីលោកប្រធានាធិបតី ស៊ី ជីនពីង និងលោកស្រី ក្នុងឱកាសខួបចម្រើនព្រះជន្មវស្សាគម្រប់ ៩០ព្រះវស្សា និងចំពោះការព្យាបាលព្រះរាជសុខភាពរបស់ព្រះមហាក្សត្រ ព្រមទាំងបានបញ្ជាក់ថា មិត្តភាពរវាងចិន និងកម្ពុជា ត្រូវបានបង្កើតឡើងដោយព្រះបាទសម្តេចព្រះនរោត្តម សីហនុ និងមេដឹកនាំចិនជំនាន់មុនៗ។
ឆ្នាំនេះគឺជាខួបលើកទី៧០ នៃដំណើរទស្សនកិច្ចលើកដំបូងរបស់ សម្តេចព្រះនរោត្តម សីហនុ មកកាន់ប្រទេសចិន។ អស់រយៈពេល ៧០ ឆ្នាំមកហើយ ដោយមិនគិតពីការប្រែប្រួលនៃទេសភាពអន្តរជាតិ ប្រទេសចិន និងកម្ពុជាតែងតែប្រព្រឹត្តចំពោះគ្នាទៅវិញទៅមកដោយស្មោះត្រង់ និងគោរពគ្នាទៅវិញទៅមក ដោយបានបង្កើតគំរូសម្រាប់ទំនាក់ទំនងរវាងរដ្ឋ និងរដ្ឋ។
គួររំលឹកថា ព្រះករុណា បានកំពុងតែសម្រាកនៅទីក្រុងប៉េកាំងនិងកំពុងតែទទួលការយកចិត្តទុកដាក់ព្យាបាលពីក្រុមវេជ្ជបណ្ឌិតជំនាញចិន ក្រោយពេលទទួលការវះកាត់ព្យាបាលជំងឺមហារីកប្រូស្តាតកាលពីពេលថ្មីៗកន្លងមកនេះ ៕
ចែករំលែកព័តមាននេះ