យោងតាមការចុះផ្សាយពីប្រភពបរទេស ជំនួសឱ្យការតមទាំងស្រុង អ្នកជំងឺមហារីកគួរទទួលទានសាច់គោក្នុងបរិមាណសមល្មម ដើម្បីទទួលបានអត្ថប្រយោជន៍ដ៏សំខាន់សម្រាប់រាងកាយ៖
ប្រូតេអ៊ីនគុណភាពខ្ពស់ជួយជួសជុលជាលិកានិងថែរក្សាសាច់ដុំ, ជាតិដែកជួយប្រយុទ្ធប្រឆាំងនឹងភាពស្លេកស្លាំងនិងអស់កម្លាំង, ស័ង្កសីជួយពង្រឹងប្រព័ន្ធភាពស៊ាំនិងព្យាបាលមុខរបួស, និងវីតាមីនក្រុម B ជួយដល់ប្រព័ន្ធប្រសាទនិងផ្តល់ថាមពល។
ដើម្បីសុខភាពល្អ អ្នកជំងឺគួរជ្រើសរើសវិធីចម្អិនបែបស្រាលៗដូចជាស្ងោរ ឬធ្វើជាស៊ុបជាមួយបន្លែ ដើម្បីឱ្យងាយស្រួលរំលាយ និងជៀសវាងការចៀនខ្លាំងឬអាំងដែលបង្កគ្រោះថ្នាក់។ ការទទួលទានដោយត្រឹមត្រូវតាមការណែនាំរបស់គ្រូពេទ្យ គឺជាគន្លឹះដ៏សំខាន់ដើម្បីរក្សាថាមពលនិងពង្រឹងសុខភាពឱ្យរឹងមាំឡើងវិញក្នុងអំឡុងពេលព្យាបាល៕
ចែករំលែកព័តមាននេះ