ឡានកូរ៉េបើកសុខៗ ស្រាប់តែដា.ច់កង់មុខរមៀលទៅបុ.កកង់បីចតស្ងៀម រងការខូចខាត នៅផ្លូវជាតិលេខ៤
- ភ្នំពេញ
រាជធានីភ្នំពេញ ៖ រថយន្តប្រភេទកូរ៉េដឹកទំនិញបើកសុខៗស្រាប់តែដាច់កង់មុខមួយចំហៀង បណ្ដាលឲ្យកង់រមៀលទៅបុកនិងម៉ូតូកង់បីឥណ្ឌាមួយគ្រឿងដែលចតស្ងៀមរងការខូចខាត នៅវេលាម៉ោង៨យប់ ថ្ងៃទី១៦ខែមិថុនាឆ្នាំ២០២៦ តាមបណ្ដោយផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ ។
ប្រភពព័ត៌មានបានអោយដឹងថាមុនពេលកើតហេតុ គេបានឃើញបុរស២នាក់រួមទាំងអ្នកបើកបរ បានបើករថយន្តម៉ាក hyundai ពណ៌ស ពាក់ស្លាកលេខ កំពង់ស្ពឺ 3A 3859 ធ្វើដំណើរតាមបណ្ដោយផ្លូវជាតិលេខ៤ ទិសដៅពីត្បូងទៅជើង លុះខណៈកំពុងបើកសុខៗស្រាប់តែរថយន្ត មិនថាមានបញ្ហាអ្វី ក៍ស្រាប់តែដាច់កង់មុខចំហៀងខាងស្ដាំ បណ្ដាលឲ្យកង់រមៀលទៅបុកនិងម៉ូតូកង់បីឥណ្ឌាពណ៌សមួយគ្រឿង ដែលម្ចាស់ចតស្ងៀមអែមចិញ្ចើមផ្លូវ បណ្ដាលឲ្យរងការខូចខាតផ្នែកខាងក្រោយយ៉ាងដំណំ ។
ដោយឡែករថយន្តវិញ បានបន្តអូសទៅមុខប្រហែល១០០ម៉ែត្រ ពីកន្លែងកើតហេតុទើបអស់ល្បឿន តែសំណាងល្អមិនគ្រោះថ្នាក់ដល់មនុស្សក្នុងហេតុការណ៍នេះ ។
ករណីនេះសមត្ថកិច្ចមូលដ្ឋានចុះទៅកន្លែងកើត អោយភាគីទាំងបានសម្របសម្រួលគ្នា ដោយខាងម៉ូតូកង់បីឥណ្ឌាទាមទារសំណង៥០០ដុល្លារ តែខាងរថយន្តមានលទ្ធភាពតែ១០០ដុល្លារតែប៉ុណ្ណោះ ។
ក្រោយកើតហេតុដោយសារការសម្របសម្រួលគ្នាមិនត្រូវសមត្ថកិច្ចជំនាញសម្រេចវាស់វែងយកមធ្យោបាយទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរងចាំដំណោះស្រាយ ពេលក្រោយ ៕
ចែករំលែកព័តមាននេះ