លោកនាយករដ្ឋមន្ត្រី Keir Starmer បានប្រកាសថា ការហាមឃាត់ទាំងស្រុងលើការប្រើប្រាស់ប្រព័ន្ធផ្សព្វផ្សាយសង្គមសម្រាប់កីឡាករ ឬយុវជនដែលមានអាយុក្រោម១៩ឆ្នាំ គឺជាជម្រើសដ៏ត្រឹមត្រូវបំផុត ដើម្បីធានាសុវត្ថិភាព និងសុភមង្គលរបស់កុមារ ។ រដ្ឋាភិបាលសង្ឃឹមថា នឹងអាចអនុម័តបទប្បញ្ញត្តិនេះឱ្យបានមុនបុណ្យណូអែលខាងមុខ ។
តាមបណ្ដាញសង្គមល្បីៗដូចជា TikTok, Snapchat និង Instagram ស្ថិតក្នុងចំណោមកម្មវិធីដែលត្រូវរងការរឹតបន្តឹង ក្នុងគោលបំណងការពារយុវជនពីគ្រោះថ្នាក់តាមអ៊ីនធើរណេត និងបញ្ឈប់ទម្លាប់អូសមើលទូរស័ព្ទយប់ជ្រៅដែលប៉ះពាល់ដល់សុខភាព។
តាមរយៈការពិគ្រោះយោបល់ដែលមានអ្នកចូលរួមជាង១១៦,០០០នាក់បានបង្ហាញថា ឪពុកម្ដាយដល់ទៅ៨៥%យល់ឃើញថា ហានិភ័យនៃបណ្ដាញសង្គមមានច្រើនជាងអត្ថប្រយោជន៍ ។
ការសម្រេចចិត្តនេះ ធ្វើឡើងបន្ទាប់ពីប្រទេសអូស្ត្រាលី បានក្លាយជាប្រទេសដំបូងគេដែលបានដាក់ចេញនូវការហាមឃាត់ស្រដៀងគ្នានេះ កាលពីខែធ្នូ ឆ្នាំ២០២៥ កន្លងទៅ ។
ប្រភពព័ត៌មាន៖ ដកស្រង់ចេញពីការចុះផ្សាយរបស់ BBC News ។
ចែករំលែកព័តមាននេះ