ភ្លៀងធ្លាក់មួយមេធំ លាយឡំខ្យល់កន្ត្រាក់វាយប្រហារ ផ្ទះ រោងចក្រ និងវត្តអារាមជាង ៣០០ខ្នង
- កំពង់ស្ពឺ
ខេត្តកំពង់ស្ពឺ៖ ផ្ទះប្រជាពលរដ្ឋប្រមាណជាង៣៥០ខ្នង ក្នុងភូមិចំនួន៦ ក្នុងស្រុកសំរោងទង ខេត្ដកំពង់ស្ពឺ បានរងការខូចខាត និងរោងចក្រចំនួន៦ ព្រមទាំងវត្តអាម រងការវាយប្រហារមេឃភ្លៀងធ្លាក់មួយមេធំ លាយឡំជាមួយខ្យល់កន្ត្រាក់ កាលពីវេលាម៉ោង០៣និង៣០នាទីរសៀលថ្ងៃទី១៤ ខែមិថុនា ឆ្នាំ២០២៦។
សមត្ថកិច្ចខេត្តកំពង់ស្ពឺបាននិយាយឱ្យថា កាលពីរសៀលថ្ងៃទី១៤ ខែមិថុនា ឆ្នាំ២០២៦ កើតមានគ្រោះធម្មជាតិភ្លៀងធ្លាក់មួយមេធំ លាយឡំជាមួយនឹងខ្យល់កន្ត្រាក់ ផងនោះ បណ្តាលឱ្យប៉ះពាល់ចំនួន៦ភូមិ ទី១- ភូមិចំបក់ ទី២- ភូមិតាគាំ ទី៣- ភូមិត្រពាំងធិ៍
ទី៤- ភូមិចំការរដ្ឋ ទី៥- ភូមិពងទឹក និងទី៦- ភូមិត្បេះស ក្នុងឃុំវល្លិ៍ស ស្រុកសំរោងទង ខេត្តកំពង់ស្ពឺ ស្មើនឹងចំនួន៣៥០ខ្នងផ្ទះ និងរោងចក្រចំនួន៦ទីតាំង ព្រមទាំងវត្តអារាមចំនួន១ផងដែរ។
ទី១/ រោងចក្រកាត់ដេរសម្លៀកបំពាក់សេរី ខូអិលធីឌី ស្ថិតនៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ
ទី២/ រោងចក្រកាត់ដេរសម្លៀកបំពាក់ w និង J ខេមបូឌាខូអិលធីឌីស្ថិតនៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ
ទី៣/ រោងចក្រផលិតសសរគ្រឹះជីង ជុង ខូអិលធីឌី ស្ថិតនៅភូមិចំការរដ្ឋ ឃុំវល្លិ៍ស ស្រុកសំរោងទង ខេត្តកំពង់ស្ពឺ
ទី៤/ រោងចក្រផលិតសំលៀកបំពាក់ហ៊ីរ៉ូតាខូអិលធីឌី ស្ថិតនៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ
និងរោងចក្រកំពង់សាងសង់ចំនួនពីរកន្លែង ពុំទាន់មានឈ្មោះ ស្ថិតនៅភូមិពងទឹក ឃុំវល្លិ៍ស ស្រុកសំរោងទង ខេត្តកំពង់ស្ពឺ
ផ្ទះរលំទាំងស្រុង ចំនួន២ខ្នង
១- ឈ្មោះ ឆាំ មាន អាយុ៦៥ឆ្នាំ ផ្ទះទាម ធ្វើអំពីឈើ ប្រក់ស័ង្កសី ទំហំ ៥ម៉ែត្រ គុណនិង៦ម៉ែត្រ។
២- ឈ្មោះ ផាន់ កុង ភេទប្រុស អាយុ ៥៧ឆ្នាំ ផ្ទះទាមធ្វើអំពីឈើ ប្រក់ស័ង្កសីទំហំ៥ម៉ែត្រ គុណ៦ម៉ែត្រ ដែលស្ថិតនៅក្នុងភូមិពងទឹក ឃុំវល្លិ៍ស ស្រុកសំរោងទង ខេត្តកំពង់ស្ពឺ និងរបើកដំបូលរោងមាន់១កន្លែង និងរបើកដំបូល សាលាវិទ្យាល័យហ៊ុនសែនចំបក់២ខ្នង របើកដំបូលសាលាបឋមចំបក់២ខ្នង បាក់បង្គោលភ្លើង១ដើមបែកកញ្ចក់រថយន្ត២គ្រឿងដើមឈើរលំកិន។ និងវត្តចំបក់ពោធិ៍ពាន់ ស្ថិតនៅក្នុងភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ។
សមត្ថកិច្ចបានបញ្ជាក់ឱ្យដឹងថាករណីគ្រោះធម្មជាតិខាងលើនេះ ចំពោះការ ថ្នាក់មនុស្សនឹងសត្វពុំទាន់ទទួលបានលទ្ធផលនៅឡើយនោះទេ៕
ចែករំលែកព័តមាននេះ