ភ្លៀងលាយឡំខ្យល់កន្ត្រាក់ រលំដើមឈើច្រើនដើមសង្ក.ត់លើកុដិ និងសាលាឆាន់ ខូចខាត៣ខ្នង ក្នុងវត្តចំបក់ពោធិ៍ពាន់
- កំពង់ស្ពឺ
ខេត្តកំពង់ស្ពឺ៖ កុដិ និងសាលាឆាន់ប្រមាណ៣ខ្នង រងការខូចខាត ដោយសារដួលរលំដើមឈើតូច ធំច្រើនដើមសង្កត់លើ ខណៈដែលមេឃភ្លៀងធ្លាក់លាយឡំជាមួយនឹងខ្យល់កន្ត្រាក់ ។
ករណីមេឃភ្លៀងលាយឡំជាមួយខ្យល់កន្ត្រាក់បានកើតឡើងកាលពីវេលាម៉ោង៣និង៣០នាទីរសៀលថ្ងៃទី១៤ ខែមិថុនា ឆ្នាំ២០២៦ ស្ថិតនៅក្នុងអារាម វត្តចំបក់ពោធិ៍ពាន់ ឃុំវល្លិ៍ស ស្រុកសំរោងទង ខេត្តកំពង់ស្ពឺ។
បើយោងតាមការបង្ហោះរបស់ព្រះចៅអធិការវត្តចំបក់ពោធិ៍ពាន់ មានករណីមេឃភ្លៀងលាយឡំជាមួយនឹងខ្យល់កន្ត្រាក់បណ្ដាលឲ្យរងការខូចខាតនិង ប៉ះពាល់ដំបូលសាលាឆាន់ ៖
-កុដិលោកសឹងចំនួន១ខ្នង
-កុដិយាយជីចំនួន២ខ្នង
-ព្រះពុទ្ធរូបថ្ម១អង្គ
-ដើមអំពិលធំ១ដើម
-ដើមពោធិ៍ជ្រៃធំ១ នឹងពោធិ៍តូចៗ២ដើម
-ដើមព្រីង១ដើម
-ដើមពុទ្រា១ដើម
-ដើមធ្នុង១ដើម
-ដើមត្នោត១ដើម
-រនាំងលម្អរ១២រនាំង។ ចំពោះព្រះសង្ឃ នឹងយាយជី មានសុវត្ថិភាពធម្មតា៕
ចែករំលែកព័តមាននេះ