រាជធានីភ្នំពេញ ៖ ក្រុមប្រឹក្សាអភិវឌ្ឍន៍កម្ពុជា កាលពីថ្ងៃព្រហស្បតិ៍ ទី១១ មិថុនា បាននិយាយថា កម្ពុជាបានទាក់ទាញគម្រោងវិនិយោគ ដែលមានតម្លៃ ៣,២៦ពាន់លានដុល្លារអាមេរិក ក្នុងរយៈពេល ៥ខែដំបូង នៃឆ្នាំ២០២៦ ។
សេចក្តីប្រកាសព័ត៌មានបានបន្ថែមថា កម្ពុជាបានអនុម័តគម្រោងវិនិយោគសរុបចំនួន ២២៥ ក្នុងអំឡុងពេលខែមករា ដល់ខែឧសភា ឆ្នាំនេះ ដោយបង្កើតការងារប្រហែល ១៣២.០០០កន្លែង ។
សេចក្តីប្រកាសព័ត៌មានបាននិយាយថា គម្រោងដែលមានអាជ្ញាប័ណ្ណទាំងនោះរួមមាន តំបន់សេដ្ឋកិច្ចពិសេស រោងចក្រថាមពលខ្យល់ រោងចក្រដំឡើងរថយន្តអគ្គិសនី រោងចក្រដំឡើងម៉ូតូ រោងចក្រផលិតសំបកកង់រថយន្ត សណ្ឋាគារផ្កាយប្រាំ និងកសិដ្ឋានចិញ្ចឹមសត្វជាដើម ។
ប្រទេសចិន បានរក្សាតំណែងរបស់ខ្លួនជាអ្នកវិនិយោគបរទេស ឈានមុខគេនៅក្នុងប្រទេសប្រទេសកម្ពុជា តាមពីក្រោយដោយវិនិយោគទុននៅក្នុងស្រុក ។
ឧបនាយករដ្ឋមន្ត្រីកម្ពុជា និងជាអនុប្រធានទី១ របស់ក្រុមប្រឹក្សាអភិវឌ្ឈន៍កម្ពុជា លោក ស៊ុន ចាន់ថុល បានមានប្រសាសន៍ថ្មីៗនេះថា ការវិនិយោគថ្មី ពិតជាឆ្លុះបញ្ចាំងពីទំនុកចិត្តរបស់វិនិយោគិន លើសន្តិភាព ស្ថិរភាពនយោបាយ និងសក្តានុពលអាជីវកម្មរបស់កម្ពុជា ។
លោកបានមានប្រសាសន៍ថា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ កិច្ចព្រមព្រៀងពាណិជ្ជកម្មសេរីអាស៊ាន និងកិច្ចព្រមព្រៀងពាណិជ្ជកម្មសេរីទ្វេភាគីរបស់កម្ពុជា ជាមួយប្រទេសចិន កូរ៉េខាងត្បូង និងអេមីរ៉ាតអារ៉ាប់រួម គឺជាកត្តាសំខាន់ក្នុងការទាក់ទាញការវិនិយោគផ្ទាល់ពីបរទេស ៕
ចែករំលែកព័តមាននេះ