បច្ចេកវិទ្យា៖ យោងតាមការចុះផ្សាយពីប្រភពបរទេស ទម្លាប់ដកឌុយភ្លើងភ្លាមៗខណៈពេលកង្ហារកំពុងដំណើរការ មិនមែនជាវិធីសាស្ត្រត្រឹមត្រូវនោះទេ។

ទង្វើនេះអាចធ្វើឱ្យចំណុចតភ្ជាប់អគ្គិសនីឡើងកម្ដៅខ្ពស់ បង្កឱ្យឌុយភ្លើងរលួយ ខូចខាតខ្សែភ្លើង ឬបង្កគ្រោះថ្នាក់ឆ្លងចរន្ត និងអគ្គីភ័យ ជាពិសេសប្រសិនបើព្រីភ្លើងមានសភាពចាស់ ឬរលុង។ ដើម្បីសុវត្ថិភាព អ្នកត្រូវបិទកង្ហារដោយប៊ូតុងបញ្ជា (បិទលេខ ០) ជាមុនសិន ទើបចាប់ក្បាលឌុយដកចេញដោយដៃស្ងួត។

វិធីនេះមិនត្រឹមតែជួយការពារឧបករណ៍ឱ្យប្រើបានយូរអង្វែងប៉ុណ្ណោះទេ ប៉ុន្តែថែមទាំងជួយកាត់បន្ថយហានិភ័យនៃគ្រោះថ្នាក់អគ្គិសនីក្នុងផ្ទះរបស់អ្នកបានយ៉ាងមានប្រសិទ្ធភាព៕