ពីខែមករា ដល់ខែឧសភា ឆ្នាំ២០២៦ កម្ពុជាអាចនាំចេញបានតម្លៃសរុបដល់ទៅជាង១៤ពាន់លានដុល្លារ ហើយនាំចូលជាង១៦ពាន់លានដុល្លារ ដោយមានឱនភាពពាណិជ្ជកម្មទំហំ១,៩ ពាន់លានដុល្លារ ប៉ុន្តែទោះជាយ៉ាងណា ក៏កម្ពុជាអាចសម្រេចបានអតិរេកជាមួយនឹងប្រទេសខ្លះដែរ ។
កំពូលប្រទេសដែលកម្ពុជា អាចមានអតិរេកពាណិជ្ជកម្មជាមួយ នៅក្នុងរយៈពេល៥ខែមកនេះ គឺមានសហរដ្ឋអាមេរិក វៀតណាម ជប៉ុន កាណាដា និងអេស្ប៉ាញ ។
នៅក្នុងរយៈពេលនេះ កម្ពុជាមានអតិរេកពាណិជ្ជកម្មជាមួយនឹងសហរដ្ឋអាមេរិកទំហំ៥,៥ពាន់លានដុល្លារ ជាមួយនឹងវៀតណាម ជិត៥៤៤ លានដុល្លារ ជប៉ុនជាង៣៣១លានដុល្លារ កាណាដាជាង៤៦២ លានដុល្លារ ហើយនិងអេស្បាញជិត៤៥៩ លានដុល្លារ ។ ក្រៅពីនោះ គឺមានហូឡង់ អាល្លឺម៉ង់ អង់គ្លេសជាដើម ៕
ចែករំលែកព័តមាននេះ