នគរបាលចរាចរណ៍ខេត្តកំពង់ស្ពឺចុះអប់រំណែនាំដល់ម្ចាស់រថយន្ដដឹកថ្ម-ខ្សាច់និងសម្រួលចរាចរណ៍រៀបចំសណ្ដាប់ធ្នាប់នៅតាមដងផ្លូវសាធារណៈ
- កំពង់ស្ពឺ
ខេត្តកំពង់ស្ពឺ៖ ដោយអនុវត្តតាមការបញ្ជាដឹកនាំដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ននិងការចង្អុលណែនាំពីលោក ជាម ច័ន្ទសោភ័ណ អភិបាល នៃគណៈអភិបាលខេត្ដកំពង់ស្ពឺ និងបានការដឹកនាំបញ្ជាផ្ទាល់ពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងលោកស្នងការរង ទទួលផែនការងារសណ្ដាប់ធ្នាប់។
នៅព្រឹកថ្ងៃទី១០ ខែមិថុនា ឆ្នាំ២០២៦ កម្លាំងនគរបាលការិយាល័យចរាចរណ៍ផ្លូវគោក កំលាំងនគរបាលនៃអធធិការដ្ឋាននគរបាលក្រុង-ស្រុក និងប៉ុស្ដិ៍នគរបាលរដ្ឋបាល បានបន្ដចុះអប់រំណែនាំដល់ម្ចាស់រថយន្ដអ្នកបើកបររថយន្ដដឹកថ្ម-ខ្សាច់ ដោយសហការសម្រួលចរាចរណ៍រៀបចំសណ្ដាប់ធ្នាប់នៅតាមដងផ្លូវសាធារណៈ និងចំណុចមុខសាលារៀនជូនដល់ក្មួយៗសិស្សានុសិស្ស និងបងប្អូនប្រជាពលរដ្ឋជាអាជីវករ អ្នកលក់ដូរទំនិញនៅតាមតំបន់ទីប្រជុំជន ទីផ្សារ និងតាមគ្រឹះស្ថាននានា នៃបឋមសិក្សាសាលារៀននៅក្នុងខេត្តកំពង់ស្ពឺ។
កំលាំងនគរបាលការិយាល័យចរាចរណ៍ផ្លូវគោក ចុះសហការជាមួយកំលាំងអធិការដ្ឋាននគរបាលក្រុង-ស្រុក ធ្វើការចុះណែនាំដល់អ្នកបេីកបររថយន្ដដឹកទំនិញធន់ធ្ងន់ និងរថយន្ដលក្ខណៈដឹកកម្មករ កម្មការិនី រោងចក្រ អ្នកប្រើប្រាស់ម៉ូតូរឺម៉ក ដោយការផ្សព្វផ្សាយច្បាប់ចរាចរណ៍ផ្លូវគោក ណែនាំអំពីសុវត្ថិភាព លក្ខណៈបច្ចេកទេសយានយន្ដនិងគ្រឿងបំពាក់លើរថយន្ដការតទ្រង់ខុសបច្ចេកទេសជាដេីម។ ការបេីកបរដោយលេីសល្បឿនកំណត់ នៅកន្លែងទីប្រជុំជន ទីផ្សាដោយប្រើស៊ីផ្លេរឮខ្លាំងនៅចំណុចសាលារៀន មន្ទីរពេទ្យរួមគ្នាកាត់បន្ថយគ្រោះថ្នាក់ចរាចរណ៍ «ថៃ្ងនេះ ថ្ងៃស្អែក គ្មានគ្រោះថ្នាក់ចរាចរណ៍»៕
ចែករំលែកព័តមាននេះ