ក្រុមហ៊ុនអ.ន់ ធ្វើផ្លូវក្រាលបេតុងបែបនេះគង់រលា.យឆាប់មិនខាន
- ស្វាយរៀង
ខេត្តស្វាយរៀង ៖ ក្រោយពីមានបណ្តាញសង្គមបង្ហោះរូបភាពក្រុមហ៊ុន រម្យខិត្តិយា ខន់ស្ត្រាក់សិន ទទួលការអនុវត្តន៍គម្រោងកែលម្អផ្លូវដីក្រាលបេតុងអាមេ ០១ខ្សែប្រវែង ៤៨២ម៉ែត្រនៅភូមិសំយ៉ោងឃុំសំយ៉ោងស្រុកកំពង់រោទ៌ ថាអនុវត្តខុសស្តង់ដាបច្ចេកទេស ដាក់ដែកលើស្មៅលើស្លឹកឈើ មិនបានកិនបង្ហាប់ដាក់ថ្មក្រាលបាត និងកន្លែងដែលចាក់បេតុងរួច របើកឃើញខ្សាច់ គ្មានគុណភាព ។
លោកមេឃុំសំយ៉ោង និងជាប្រធានលទ្ធកម្មឃុំសំយ៉ោងបានចេញមកបំភ្លឺជូនមហាជន នៅរសៀលថ្ងៃទី ៩ ខែមិថុនា ២០២៦ ថា ឃុំសំយ៉ោងមានគម្រោងកែលម្អផ្លូវដីក្រាលបេតុងអាម៉េ ០១ខ្សែប្រវែង ៤៨២ម៉ែត្រ ទទឹង ០៥ម៉ែត្រ កម្រាស់បេតុង ០,១៥ម៉ែត្រប្រើប្រាស់ថវិកាចំនួនជាង ១២៥លានរៀល ។
ហើយក្រុមហ៊ុនទទួលការអនុវត្តគម្រោងគឺក្រុមហ៊ុនរម្យខិត្តិយាខុនស្ត្រាក់សិន បានចុះអនុវត្តគម្រោងកាលពីថ្ងៃទី ២៩ ឧសភា២០២៦ លុះមកដល់ល្ងាចថ្ងៃទី ០៥ មិថុនា ២០២៦ ក៏មានបណ្តាញសង្គមចុះផ្សាយថា ក្រុមហ៊ុនរម្យខិត្តិយាខុនស្ត្រាក់សិន អនុវត្តខុសស្តង់ដាបច្ចេកទេស ទី ១-ដាក់ដែកផ្ទាល់ដី ដាក់ពីលើស្មៅ និងស្លឹកឈើ ទី ២- មិនបានដាក់ថ្មក្រាលបាត ទី ៣- កន្លែងចាក់បេតុងរួច របើកខ្សាច់ឡើងគ្មានគុណភាព ។
លោកមេឃុំសំយ៉ោងបានបញ្ជាក់ និងបំភ្លឺជូនមហាជនមេត្តាជ្រាបថា ការអនុវត្តគម្រោងគឺលោកបានចាត់កម្លាំងក្រុមប្រឹក្សាឃុំលោកជំទប់ទី ១ និងលោកមេភូមិសំយ៉ោង ចុះតាមដាន និងពិនិត្យមើលគ្រប់ដំណើការអនុវត្តគម្រោង ក៏ប៉ុន្តែនៅល្ងាចថ្ងៃទី ៤មិថុនា ឆ្នាំ ២០២៦ មានភ្លៀងធ្លាក់ ០១មេធំលាយឡំខ្យល់កន្ត្រាក់បណ្តាលឲ្យបាក់ដើមឈើ (បាក់ដើមអំពឹលទឹក) មួយដើមដួលមកលើផ្លូវ លុះព្រឹកឡើងថ្ងៃទី ៥ មិថុនា លោកបានឲ្យក្រុមការងារឃុំកាប់ទាញចេញក៏មានធ្លាក់ស្លឹកឈើនៅលើផ្លូវ ខណៈក្រុមការងារ បានទៅផ្ទះហូបបាយថ្ងៃត្រង់ក្រុមកម្មករក្រុមហ៊ុនរម្យខិត្តិយាខុនស្ត្រាក់សិន បានលើកដែកដាក់លើដី ពីលើស្លឹកឈើ ដោយមិនបានសំអាតឲ្យបានត្រឹមត្រូវ ក៏មានមហាជនមកឃើញថតបង្ហោះផ្សព្វផ្សាយតាមបណ្តាញសង្គមតែម្តង ។
ហើយកន្លែងដែលចាក់បេតុងរួចប្រវែង ២០ម៉ែត្រមានរបើកខ្សាច់ឡើង គឺដោយសារ ពេលចាក់បេតុងរួចភ្លាមមិនទាន់ស្ងួតក៏មានភ្លៀងធ្លាក់ ពេលយប់ហើយក្រុមហ៊ុនគ្មានកៅស៊ូតង់គ្របទើបបណ្តាលឲ្យហូកំបោអស់ខ្លះក៏របើកខ្សាច់ឡើង ក្រុមការងារបានឲ្យក្រុមហ៊ុនលាយបេតុងដាក់ក្រាលពីលើរួចយកគ្រឿងឧបករណ៍រំញ័រវីឡើងវិញហើយ និងលើកយកផ្ទាំងដែកចេញបបោសសម្អារស្លឹកឈើចេញរួចដាក់ថ្មក្រាលបាតបង្ហាប់រួចទើបឲ្យលើកដែកដាក់វិញនិងរៀបពុម្ពចាក់បេតុងតាមស្តង់ដាបច្ចេកទេសនៃកិច្ចសន្យា សូមជ្រាប ។ ហើយផ្លូវក្រាលបេតុងនេះដែរ គឺមិនទាន់បញ្ចប់គម្រោងនៅឡើយទេក៏ប៉ុន្តែក្រុមហ៊ុនបានផ្អាកការងារតាំងពីថ្ងៃទី ៧ មិថុនា ២០២៦ រហូតមកដល់ថ្ងៃទី ០៩ មិថុនា ២០២៦ នេះ ដោយប្រាប់ថា កម្មករសុំសម្រាកទៅព្រោះស្រូវមិនទាន់ដឹងថាថ្ងៃណា មកអនុវត្តគម្រោងទៀតទេ ។
ទាក់ទិនករណីនេះដែរមិនអាចរកការបំភ្លឺពីប្រធានក្រុមហ៊ុនរម្យខិត្តិយាខុនស្ត្រាក់សិន បានទេរហូតមកដល់ព្រឹកថ្ងៃទី ១០ មិថុនា២០២៦នេះ ។ អ្នកភូមិនិយាយគ្រប់គ្នាថា ក្រុមហ៊ុននេះធ្វើឱ្យតែរួចពីដៃ សង្ស័យអាងត្រូវគ្នាជាមួយមន្ត្រីមូលដ្ឋានហើយមើលទៅ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ