លោក ម៉ក់ ម្ចាស់ចម្ការកៅស៊ូ ទប់បញ្ចាល់ទឹកធ្វើវារីអគ្គីសនីសង្ស័យមិនទាន់មានច្បាប់ កំពុងបង្កភ័.យខ្លា.ចគ្រោះថ្នា.ក់ដល់អ្នកស្រុក
- រតនគិរី
ខេត្តរតនគិរី ៖ អូរធម្មជាតិមួយកន្លែងដែលស្ថិតនៅចំការកៅស៊ូ ត្រូវបានម្ចាស់គេទប់ស្កាត់បញ្ចាល់ទឹកដើម្បីធ្វើជាវារីអគ្គីសនីឯកជនផ្ទាល់ខ្លួន សង្ស័យមិនទាន់មានច្បាប់អនុញ្ញាត ដែលអាចបង្កគ្រោះថ្នាក់ដល់សត្វពាហនៈ និងមនុស្សផងដែរ នាពេលកន្លងមក សមត្ថកិច្ចមន្ត្រីជំនាញនិងអាជ្ញាធរហាក់មិនអើពើនៅឡើយ។
អូរធម្មជាតិដែលត្រូវគេទប់បញ្ចាល់ទឹកធ្វើវារីឯកជននោះ មានទីតាំងស្ថិតនៅចំណុចភូមិកប ឃុំទីងចាក់ ស្រុកបរកែវ ខេត្តរតនគិរី ។ នៅថ្ងៃទី៦ ខែមិថុនា ឆ្នាំ២០២៦នេះ ក្រុមអ្នកយកព័ត៌មានបានចុះទៅដល់កន្លែងនោះ ហើយឃើញកំពុងតែធ្វើសកម្មភាពសាងសង់យ៉ាងមមាញឹកផងដែរ។
តាមប្រភពបានបង្ហើបថាម្ចាស់ចំការកៅស៊ូដែលជួលកម្មករកំពុងធ្វើសកម្មភាពសាងសង់ទំនប់បញ្ចាល់ទឹកវារីអគ្គីសនីនោះឈ្មោះលោក ម៉ក់ ជាថៅកែកៅស៊ូ.ហើយអូរធម្មជាតិមួយនេះឈ្មោះអូរកប ដែលប្រជាពល់រដ្ឋតែងអាស្រ័យផល់លើសត្វពាហនៈនិងស្រោចស្រពផលដំណាំនាភូមិក្រោមៗជាច្រើនទៀតនោះផង។
តាមប្រភពបានបង្ហើបថា នាឆ្នាំ២០២៤ក៏ធ្លាប់មានរបើកទ្វារទឹក បណ្តាលឱ្យមានការលិចលង់រហូតមានមនុស្សលង់ទឹកស្លាប់ម្នាក់ផងដែរ តែត្រូវគេលាក់បំបាំងព័ត៌មានមិនឱ្យខ្ចខ្ចាយទៀតផង។
អ្នករស់នៅខាងក្រោមនិងជុំវិញតំបន់អូរដែលទប់បញ្ចាល់ទឹកធ្វើវ៉ារីអគ្គិសនី សង្ស័យមិនទាន់មានច្បាប់នោះក៏កំពុងតែមានការព្រួយបារម្ភក្នុងការរងគ្រោះថ្នាក់និងក៏បានសំណូមពរផងដែរដល់សមត្ថកិច្ចមន្ត្រីជំនាញនិងអាជ្ញាធរគួរមានវិធានការទប់ស្កាត់និងចុះត្រួតពិនិត្យបច្ចេកទេផង.ក្រែងថ្ងៃក្រោយណាមួយថ្លោះធ្លោយប្រេះធ្លាយបាក់ទំនប់អាចមានគ្រោះថ្នាក់ជាយថាហេតុផង ។
ព័ត៌មានបន្តនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ