បន្ទាប់ពីទទួលបានជោគជ័យគួរជាទីមោទននៅក្នុងការប្រកួតជ្រើសរើសជើងឯកហែលទឹកពិភពលោកនៅក្រុងសៀងហៃរួចមក ម៉ៃឃើល ហ្វ៊ែលទទួលបានកិត្តិយសឧត្តុង្គឧត្តម្ភមួយទៀតក្នុងនាមជាឯកអគ្គរដ្ឋទូតពិលោកថ្មីរបស់កីឡាអូឡាំពិកពិសេស។ សម្រាប់ម៉ៃឃើល ហ្វ៊ែលបើទោះជាខ្លួនជាប់ភារកិច្ចយ៉ាងនេះក៏ដោយ
បន្ទាប់ពីទទួលបានជោគជ័យគួរជាទីមោទននៅក្នុងការប្រកួតជ្រើសរើសជើងឯកហែលទឹកពិភពលោកនៅក្រុងសៀងហៃរួចមក ម៉ៃឃើល ហ្វ៊ែលទទួលបានកិត្តិយសឧត្តុង្គឧត្តម្ភមួយទៀតក្នុងនាមជាឯកអគ្គរដ្ឋទូតពិលោកថ្មីរបស់កីឡាអូឡាំពិកពិសេស។
សម្រាប់ម៉ៃឃើល ហ្វ៊ែលបើទោះជាខ្លួនជាប់ភារកិច្ចយ៉ាងនេះក៏ដោយ ក៏ប៉ុន្តែរូបគេក៏មិនភ្លេចការចូលរួមរបស់ខ្លួនក្នុងការប្រកួតនានាផងដែរ។ ក្មេងៗទាំងឡាយសង្ឃឹមថា ពួកគេនឹងអាចឃើញម៉ៃឃើល ហ្វ៊ែលក្នុងព្រឹត្តិការណ៍អូឡាំពិកឆ្នាំក្រោយ។ ហ្វ៊ែលបាននិយាយថា៖«ខ្ញុំគិតថា ខ្ញុំអាចឈានទៅមុខបានលឿនជាងមុន។ តែខ្ញុំនៅក្នុងពេលប្រកួតគឺពិតជាមិនដឹងថាត្រូវធ្វើតាមវិធីណានោះទេ។ ការប្រកួតនៅឆ្នាំក្រោយគឺជាផ្នែកមួយយ៉ាងសំខាន់របស់ខ្ញុំ»។
ហ្វ៊ែលកាលពីប្រកួតនៅក្រុងសៀងហៃប្រទេសចិនដណ្តើមបានមេដាយចំនួន៧គ្រឿងក្នុងនោះមាស២គ្រឿង។ លទ្ធផលនេះនៅមិនល្អដូចកាលព្រឹត្តិការណ៍អូឡាំពិកក្រុងប៉េកាំងឆ្នាំ២០០៨នោះទេ ។ កាលនោះហ្វ៊ែលដណ្តើមបានមេដាយចំនួន៨គ្រឿងដែលសុទ្ធតែជាមេដាយមាស។ ការប្រកួតនៅក្រុងសៀងហៃឆ្នាំនេះ ហ្វ៊ែលបានតាមពីក្រោយកីឡាករមិត្តរួមជាតិខ្លួនរីយ៉ាន ឡូចឆ៍ស្ទើរគ្រប់ពេលប្រកួត។ ចំពោះបញ្ហានេះគេបាននិយាយថា៖ «ខ្ញុំស្គាល់រីយ៉ាន ឡូចឆ៍ច្បាស់ណាស់។ ការហែលរបស់គេពិតជាល្អ។ ខ្ញុំគិតថា នាងមីសស៊ី ហ្វ្រែងឃ្លីនក៏ហែលបានល្អដែរ។ អ្នកដឹងទេ នាងទើបតែមានអាយុ១៦ឆ្នាំប៉ុណ្ណោះ។ ហើយនេះជាការប្រកួតលក្ខណៈអន្តរជាតិលើកទី១របស់នាង។ ខ្ញុំគិតថាទៅអនាគតនាងនឹងក្លាយជាជនដែលគេតាមមើល»។
នៅក្នុងព្រឹត្តិការណ៍ប្រកួតអូឡាំពិកក្រុងឡុងដ៍ឆ្នាំក្រោយនេះ កិត្តិយសនិងភាពល្បីល្បាញរបស់ហ្វ៊ែលវានៅតែមាននៅឡើយ។ ការប្រកួតនោះហ្វ៊ែលសង្ឃឹមថានឹងធ្វើឲ្យមានភាពអស្ចារ្យដូចជាលើកមុន។ បន្ទាប់ពីបញ្ចប់ព្រឹត្តិការណ៍អូឡាំពិកក្រុងឡុងដ៍រួច រូបគេនឹងពិតជាបានរីករាយក្នុ្ងងតួនាទីឯកអគ្គរដ្ឋទូតពិលោកសម្រាប់កីឡាអូឡាំពិកពិសេស។ សង្ឃឹមថា ហ្វ៊ែលនឹងប្រើឈ្មោះរបស់ខ្លួនជួយលើកតម្កើងឲ្យមានការទទួលស្គាល់និងការរាប់បញ្ចូលជនដែលមានបញ្ញាខ្សោយ៕
ចែករំលែកព័តមាននេះ