កាដែល អេវែន ដែលជាម្ចាស់ជើងឯកប្រណាំងកង់ក្របខណ្ឌធួ Tour de Franceឆ្នាំ២០១១ នឹងត្រូវទទួលការស្វាគមន៍យ៉ាងកក់ក្តៅនៅពេលវិលត្រឡប់ទៅមាតុប្រទេសវិញសប្តាហ៍ក្រោយដោយការដង្ហែក្បួនមួយកាត់តាមទីក្រុងនៃរដ្ឋវិចតូរីយ៉ា ដែលជាកន្លែងកំណើតរបស់គេ។ នៅមុននេះគេគិតថា កាដែល អេវែនជាកីឡាករអូស្ត្រាលីទី១
កាដែល អេវែន ដែលជាម្ចាស់ជើងឯកប្រណាំងកង់ក្របខណ្ឌធួ Tour de Franceឆ្នាំ២០១១ នឹងត្រូវទទួលការស្វាគមន៍យ៉ាងកក់ក្តៅនៅពេលវិលត្រឡប់ទៅមាតុប្រទេសវិញសប្តាហ៍ក្រោយដោយការដង្ហែក្បួនមួយកាត់តាមទីក្រុងនៃរដ្ឋវិចតូរីយ៉ា ដែលជាកន្លែងកំណើតរបស់គេ។ នៅមុននេះគេគិតថា កាដែល អេវែនជាកីឡាករអូស្ត្រាលីទី១ និងជាកីឡាករមិនមែនជនជាតិអឺរ៉ុបទី៣ដែលបានយកឈ្នះជើងឯកTour de France ហើយគ្មានពេលត្រឡប់ទៅប្រទេសរបស់ខ្លួនវិញ។
អាជ្ញាធររដ្ឋវិចតូរីយ៉ាកាលពីថ្ងៃពុធបាននិយាយថា កីឡាករអេវែននឹងត្រូវគេផ្តល់កិត្តិយសដោយការហែក្បួនទទួលរូបគេនៅទីលានសហព័ន្ធក្នុងក្រុងមែលបឺនថ្ងៃទី១២សីហា។ អំឡុងពេលនោះអេវែននឹងត្រូវជិះកង់ចម្ងាយ២៥០ម៉ែត្រចេញពីមន្ទីរវិចិត្រសាលជាតិរដ្ឋវិចតូរីយ៉ា ទៅកាន់ទីលានសហព័ន្ធជាទីដែលកីឡាកររូបនេះថ្លែងសុន្ទរកថាទៅកាន់អ្នកគាំទ្រ។
លោកស្រីហេលែន ខក់ ម្តាយរបស់កីឡាករអេវែនបាននិយាយថា កូនប្រុសរបស់អ្នកស្រីនឹងធ្វើឱ្យបណ្តាអ្នកគាំទ្រមានការរំភើបរីករាយ។ លោកស្រីបន្តថា៖«គេពិតជាត្រូវចាប់បោះឡើងទៅលើដោយអ្នកគាំទ្រដែលកំពុងរីករាយ។ គេល្បីឈ្មោះយ៉ាងខ្លាំងក្នុងទ្វីបអឺរ៉ុបជាយូរមកហើយ។ ប៉ុន្តែសម្រាប់អ្នកដែលមិនចូលចិត្តកីឡាប្រណាំងកង់ ក៏បានទទួលស្គាល់ថា នេះជាសមទ្ធិផលដ៏គួរឱ្យភ្ញាក់ផ្អើលបំផុតសម្រាប់អូស្ត្រាលី»។ អេវែនវ័យ៣៤ឆ្នាំរស់នៅក្នុងទីក្រុងមាត់សមុទ្រឈ្មោះបាវ៉ុនហេដ ក្នុងរដ្ឋវិចតូរីយ៉ាចម្ងាយប្រហែលជា១០០គីឡូម៉ែត្រពីទីក្រុងមែលបឺន។
នាយករដ្ឋមន្ត្រីប្រចាំរដ្ឋវិចតូរីយ៉ាលោកTed Baillieuបានថ្លែងក្នុងសេចក្តីថ្លែងការណ៍មួយ ថា៖ «អេវែននឹងវិលត្រឡប់មកផ្ទះវិញជាពិសេសសម្រាប់ព្រឹត្តិការណ៍នេះ។ ព្រឹត្តិការណ៍នេះអេវែននឹងត្រូវជិះកង់រយៈចម្ងាយខ្លីហើយបន្ទាប់មកចូលរួមពិធីនៅទីលានសហព័ន្ធ ជាទីដែលអ្នករស់នៅក្នុងរដ្ឋវិចតូរីយ៉ាមានឱកាសស្រែកអបអរដល់គេ»។
អ្នកចាត់ចែងការងារសម្រាប់កីឡាករអេវែនលោកជេសុន បាកគ័របាននិយាយថា កីឡាករអេវែនខ្លួនឯងបាននិយាយដាក់ខ្លួនចំពោះការលេចឮព័ត៌មាននៃការដង្ហែក្បួនអបអរចំពោះរូបគេ។ លោកបាកគ័របានបន្តថា ៖«គេពិតជាមិនយល់ចំពោះកង្វល់បែបនេះ។ គេគិតថាខ្លួនគេគ្រាន់តែជាកីឡាករសាមញ្ញម្នាក់ប៉ុណ្ណោះ»។
សូមញ្ជាក់ថា កីឡាករកាដែល អេវែនសព្វថ្ងៃជិះកង់ឲ្យក្រុមBMC Racing Team ហើយក្នុងពេលថ្មីៗនេះរូបគេទើបតែបានចុះកិច្ចសន្យាប្រណាំងឱ្យក្រុមដដែលនេះរហូតដល់ឆ្នាំ ២០១៤ ៕
ចែករំលែកព័តមាននេះ