លោកសៃមុន វ៉ាយ អ្នកអត្ថាធិប្បាយបាល់ទាត់របស់វ៉េបសាយ «ធីម ថក» (TEAM Talk) បានព្យាករណ៍ក្នុងក្របខណ្ឌបាល់ទាត់ប្រឺមីញេលីករដូវកាលថ្មី២០១១-២០១២ ដែលនឹងបើកឆាកនៅពាក់កណ្តាលខែសីហាខាងមុខនេះថា ក្លឹបបិសាចក្រហម Man Utd នឹងការពារជើងឯកបានដោយជោគជ័យ ចំណែកក្លឹបហង្សក្រហម Liverpool អាច
លោកសៃមុន វ៉ាយ អ្នកអត្ថាធិប្បាយបាល់ទាត់របស់វ៉េបសាយ «ធីម ថក» (TEAM Talk) បានព្យាករណ៍ក្នុងក្របខណ្ឌបាល់ទាត់ប្រឺមីញេលីករដូវកាលថ្មី២០១១-២០១២ ដែលនឹងបើកឆាកនៅពាក់កណ្តាលខែសីហាខាងមុខនេះថា ក្លឹបបិសាចក្រហម Man Utd នឹងការពារជើងឯកបានដោយជោគជ័យ ចំណែកក្លឹបហង្សក្រហម Liverpool អាចមិនទទួលជើងឯកក្របខណ្ឌណាមួយនៅក្នុងរដូវកាលនេះ ។
ជើងឯកក្នុងរដូវកាល ២០១១-២០១២ នឹងជារបស់ក្លឹប Man Utd ស្របពេលមានការពង្រឹងក្លឹបដោយចំណាយប្រាក់ប្រហែល៥០លានផោន ទិញកីឡាករ៣រូបរួមមាន កីឡាករអេឈ្លីយ៉ាំង, ហ្វ៊ីល ចូន និងដេវីដ អេ ខេអា ។
តាមការព្យាករណ៍គឺមានក្លឹប Wigan, QPR និង Norwich ។ កន្លងមកក្លឹប Wigan បានឆ្លងផុតការជ្រុះចេញ ពីក្របខណ្ឌកំពូលជាច្រើនលើក តែបច្ចុប្បន្នបានលក់កីឡាករឆាល អេន សុកបៀ ដែលជាខ្សែប្រយុទ្ធដ៏សំខាន់ និងចាត់ទុកថា ជាគ្រោះមហន្តរាយមួយ ។ ចំណែកក្លឹប២ទៀតដែលរំកិលឡើងមកក្របខណ្ឌខ្ពស់គឺក្លឹប QPR និង Norwich ក៏អាចគ្មានជោគវាសនាដូចគ្នា ។
ចាត់ទុកថា ជាគ្រូបង្វឹកបង្កើតបញ្ហាជាបន្តបន្ទាប់ចាប់តាំងពីនៅដឹកនាំក្លឹប Sheffield Utd ។ សម្រាប់ការដឹកនាំក្នុងរដូវកាលនេះ សំដី ដ៏អសុរោះរបស់លោកអាចឈានទៅរកការគ្រោះថ្នាក់ជាថ្មី ទោះបីជាអាចដឹកនាំក្លឹបរំកិលមកលេងក្នុងក្របខណ្ឌបាល់ទាត់ប្រឺមីញេលីកក៏ដោយ ។
អ្នកធ្វើអត្ថាធិប្បាយរបស់វ៉េបសាយ TEAM Talk បានព្យាករណ៍ ក្លឹប Man Utd នឹងដណ្តើមជើងឯកចំនួន២ក្របខណ្ឌ ព្រោះបើគិតពីសមាសភាពរបស់ក្លឹប គឺអាចឈ្នះក្លឹប Man City ឬ Arsenal នៅក្នុងការប្រកួតផ្តាច់ព្រ័ត្រ ។
ការដែលក្លឹប Liverpool មិនរវីរវល់លើការដណ្តើមជើងឯកតំបន់អឺរ៉ុបដែលឈានចូលមកដល់នេះចាត់ទុកថា ជារឿងល្អ ព្រោះអាចថ្លឹងថ្លែងពីលទ្ធភាពប្រកួតបានទាំងនៅក្របខណ្ឌប្រឺមីញេលីក និងពានរង្វាន់ជើងឯកជាច្រើនដែលត្រូវជ្រើសរើសក្នុងរដូវកាលនេះ ។
បច្ចុប្បន្ននៅមិនទាន់សម្លឹងឃើញថា តើក្លឹបណាមួយអាចប្រកួតប្រជែងជាមួយក្លឹបអ្នកមានបុណ្យ Barcelona ដើម្បីដណ្តើមយកជើងឯកក្របខណ្ឌកំពូលនៅតំបន់អឺរ៉ុបនៅឡើយទេ?
ចែករំលែកព័តមាននេះ