អាជ្ញាធរខណ្ឌសែនសុខចុះពិនិត្យបុរី ៣ទីតាំង ឃាត់ខ្លួនចិន៥នាក់ និងដកហូតសម្ភារៈមួយចំនួន សង្ស័យជាប់ពាក់ព័ន្ធឆបោ.កតាមប្រព័ន្ធបច្ចេកវិទ្យា
- ភ្នំពេញ
រាជធានីភ្នំពេញ ៖ ជនសង្ស័យជាជនជាតិចិនចំនួន៥នាក់ត្រូវបានកម្លាំងគណៈបញ្ជាការឯកភាពខណ្ឌសែនសុខឃាត់ខ្លួនបន្ទាប់ពីឆែកេររកឃើញសម្ភារៈមួយចំនួនដែលសង្ស័យថា ជាប់ពាក់ព័ន្ធឆបោកតាមប្រព័ន្ធបច្ចេកវិទ្យា។
តាមរដ្ឋបាលខណ្ឌសែនសុខបានឲ្យដឹងថា នៅថ្ងៃទី០៦ ខែមិថុនា ឆ្នាំ២០២៦ គណៈបញ្ជាការឯកភាពរដ្ឋបាលខណ្ឌសែនសុខ បានចុះត្រួតពិនិត្យរដ្ឋបាលការស្នាក់នៅរបស់ជនបរទេស តាមអនុក្រឹត្យលេខ០៣ របស់រាជរដ្ឋាភិបាល បានចំនួន ០៣ទីតាំងគឺ៖ បុរី អង្គរភ្នំពេញ(ភូមិបន្លាស្អិត សង្កាត់ឃ្មួញ) បុរី ភ្នំពេញថ្មី ផាកស៊ីធី(ភូមិឧញ៉ាវាំង សង្កាត់ភ្នំពេញថ្មី) និងបុរី ពិភពថ្មី អាស៊ីអាគ្នេយ៍(ភូមិទ្រុងមាន់ សង្កាត់អូរបែកក្អម) មានសរុបចំនួន ៦៧៩ខ្នងផ្ទះ ជាក់ស្ដែងបានជួបជនបរទេសស្នាក់នៅចំនួន ០៧ខ្នងផ្ទះ ស្មើនឹង ១១នាក់ ស្នាក់នៅ មាន ០៤សញ្ជាតិ។
ជនបរទេសខាងលើមានលិខិតឆ្លងដែន ទិដ្ឋាការត្រឹមត្រូវ និងមិនមានសង្ស័យ ONLINE SCAMS ឡើយ។
ដោយឡែក នៅបុរី ពិភពថ្មី អាស៊ីអាគ្នេយ៍ ផ្ទះលេខ៣៤ ផ្លូវលេខ០១ មានជនជាតិចិន ចំនួន ០៥នាក់ (ក្នុងនោះគ្មានលិខិតឆ្លងដែន ០២នាក់ និងផុតទិដ្ឋាការ ០១នាក់) ព្រមទាំងមានសម្ភារវត្ថុតាងដូចខាងក្រោម ៖កុំព្យូទ័រយួរដៃ(LAPTOP) ០១គ្រឿង,កុំព្យូទ័រ(ALL IN ONE) ០៤គ្រឿង,ទូរសព្ទ ១៩គ្រឿង,ម៉ូនីទ័រ ០៣គ្រឿង,ធុង CPU ០១គ្រឿង,ស៊ុមកាតមួយចំនួន។
យោងតាមការធ្វើកោសល្យវិច្ច័យរបស់ការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញសន្និថា៖ ជាប់ព័ន្ធនឹងករណីប្រព្រឹត្តអំពើឆបោកតាមប្រព័ន្ធបច្ចេកវិទ្យា(ONELINE SCAMS)។
ដោយទទួលបានការណែនាំពី ឯកឧត្តមប្រធានគណៈបញ្ជាការឯកភាពរាជធានីភ្នំពេញ និងលោក សេង រិទ្ធី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចំពោះជនជានចិន និងសម្ភារខាងលើ សម្រេចប្រគល់ជូនស្នងការដ្ឋាននគរបាលរាជធានីភ្នំពេញ ដើម្បីអនុវត្តនីតិវិធីបន្ដ៕
ចែករំលែកព័តមាននេះ