ខណ្ឌរដ្ឋបាលព្រៃឈើព្រះវិហារ បង្ក្រា.បរថយន្តសណ្តោងរ៉ឺម៉ក១គ្រឿង ដឹកឈើជន្លង់ម្រេចខុសច្បាប់ជិត១ពាន់ដើម
- ព្រះវិហារ
ខេត្តព្រះវិហារ៖ កម្លាំងជំនាញនៃខណ្ឌរដ្ឋបាលព្រៃឈើព្រះវិហារ បានបើកប្រតិបត្តិការបង្ក្រាប និងឃាត់ខ្លួនអ្នកបើកបរម្នាក់ រួមជាមួយរថយន្តធុនធំមួយគ្រឿង ដែលលួចដឹកជញ្ជូនផល-អនុផលព្រៃឈើដោយគ្មានលិខិតអនុញ្ញាតស្របច្បាប់ កាលពីថ្ងៃទី០៦ ខែមិថុនា ឆ្នាំ២០២៦។
ប្រតិបត្តិការនេះ បានធ្វើឡើងនៅចំណុចកូអរដោណេ UTM (507930 – 1529716) ស្ថិតក្នុងភូមិបុះធំ ឃុំប្រមេរ ស្រុកត្បែងមានជ័យ ខេត្តព្រះវិហារ។
ពាក់ព័ន្ធការបង្រា្កបខាងលើកម្លាំងជំនាញបានរឹបអូសមធ្យោបាយដឹកជញ្ជូន រថយន្តធុនធំ ចំនួន ០១
គ្រឿង ម៉ាក HYUNDAI ពណ៌ស ពាក់ស្លាកលេខ ត្បូងឃ្មុំ 3A-0790 សណ្តោងសឺមីរ៉ឺម៉ក ពណ៌ខៀវ ពាក់ស្លា
កលេខ ភ្នំពេញ 4A-8113។
នៅលើមធ្យោបាយដឹកជញ្ជូនជំនាញរដ្ឋបាលព្រៃឈើបានរកឃើញ ឈើជន្លង់ម្រេចថ្មី (មិនទាន់ប្រើប្រាស់) ចំនួន ៩២០ ដើម។
អ្នកបើកបរក៏ត្រូវបានឃាយ់ខ្លួនជាមួយវត្ថុតាងរថយន្តខាងលើ មានឈ្មោះ ឆុន ចាន់ដា រស់នៅភូមិស្វាយចាន់ ឃុំស្វាយលួង ស្រុកកណ្តៀង ខេត្តពោធិ៍សាត់។
តាមចម្លើយសារភាពបឋមរបស់ជនសង្ស័យនៅពេលសមត្ថកិច្ចត្រួតពិនិត្យ បានឱ្យដឹងថា រូបគេបានដឹកជញ្ជូនឈើជន្លង់ម្រេចទាំងនេះ ចេញពីស្រុកត្រពាំងប្រាសាទ ខេត្តឧត្តរមានជ័យ ក្នុងគោលបំណងឆ្ពោះទៅកាន់ខេត្តត្បូងឃ្មុំ ។
បច្ចុប្បន្ន វត្ថុតាងទាំងអស់រួមមានរថយន្ត និងឈើជន្លង់ម្រេច ត្រូវបានកម្លាំងជំនាញបញ្ជូនទៅរក្សាទុកជាបណ្ដោះអាសន្ននៅស្នាក់ការផ្នែករដ្ឋបាលព្រៃឈើត្បែងមានជ័យ ដើម្បីរៀបចំកសាងសំណុំរឿង ចាត់ការបន្តតាមនីតិវិធីច្បាប់ស្តីពីព្រៃឈើជាធរមាន៕
ចែករំលែកព័តមាននេះ