រាជធានីភ្នំពេញ ៖ ដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី៣ ខែមិថុនា ឆ្នាំ២០២៦ វេលាម៉ោង០០៖៥០នាទីអធ្រាត្រ លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋាន និងលោកវរសេនីយ៍ឯក ញ៉ែម វ៉ន នាយការិយាល័យ បានដឹកនាំកម្លាំងជំនាញធ្វើការឃាត់ខ្លួនជនសង្ស័យចំនួន៣នាក់ ត្រង់ចំណុចបន្ទប់ជួល ផ្លូវលេខ១០៥ កែងផ្លូវលេខ១៥ ភូមិ០៥ សង្កាត់ផ្សារចាស់ ខណ្ឌដូនពេញ រាជធានីភ្នំពេញ ។
ក្រុមជនសង្ស័យ ពាក់ព័ន្ធករណីលួចម៉ូតូ កាលពីថ្ងៃទី៣១ ខែឧសភា ឆ្នាំ២០២៦ ត្រង់ចំណុចផ្ទះសំណាក់យីហោ Number10 ផ្លូវលេខ៩៣ សង្កាត់ស្រះចក ខណ្ឌដូនពេញ រាជធានីភ្នំពេញ និងនៅថ្ងៃទី១ ខែមិថុនា ឆ្នាំ២០២៦ ត្រង់ចំណុចមុខអាផាតមិនយៀកថៃ ផ្លូវលេខ២១៤ សង្កាត់បឹងរាំង ខណ្ឌដូនពេញ រាជធានីភ្នំពេញ ។
ជនសង្ស័យខាងលើ មានឈ្មោះ ៖
១. ឈ្មោះ យឹម សំណាង ហៅ ដូច ភេទប្រុស អាយុ២៨ឆ្នាំ ជនជាតិខ្មែរ ។
២. ឈ្មោះ ហេង សុផានិត ភេទប្រុស អាយុ៤២ឆ្នាំ ជនជាតិខ្មែរ។
៣. ឈ្មោះ ចាន់ ពិសិដ្ឋ ហៅ ជ្រុយ ភេទប្រុស អាយុ២៣ឆ្នាំ ជនជាតិខ្មែរ។
សម្ភារៈដកហូតរួមមាន ម៉ូតូម៉ាក Honda ZoomerX ពណ៌ទឹកប្រាក់ ពាក់ស្លាកលេខ ភ្នំពេញ ១FZ-៣៣៩១ និងម៉ូតូម៉ាក Suzuki Step ពណ៌សខ្មៅ ពាក់ស្លាកលេខ ភ្នំពេញ ១W-៨៦៤៧ ។
បច្ចុប្បន្ន កម្លាំងជំនាញនាំជនសង្ស័យខាងលើ យកមកនាយកដ្ឋាន ដើម្បីធ្វើការសាកសួរ និងកសាងសំណុំរឿងតាមនីតិវិធី៕
ចែករំលែកព័តមាននេះ