ផ្អើលក្រុងបាវិត! ករណីដេញបា.ញ់ប្រហារគ្នាតាមផ្លូវ ស្លា.ប់ម្នាក់ ខណៈសមត្ថកិច្ចកំពុងវែកមុខរកខ្មា.ន់កាំភ្លើ.ង
- ស្វាយរៀង
ខេត្តស្វាយរៀង ៖ មានករណីជនជាតិចិនបានដេញបាញ់ប្រហារគ្នាទាំងព្រឹកបណ្តាលឲ្យជនជាតិចិនម្នាក់ស្លាប់នៅក្នុងថ្លុកឈាមតាមដងផ្លូវបង្កឲ្យប្រជាពលរដ្ឋមានការភ្ញាក់ផ្អើលនិងភ័យខ្លាចយ៉ាងខ្លាំងមិនដឹងការដេញប្រហារគ្នានេះមានជម្លោះរឿងអ្វីនោះទេពិតជាសាហាវណាស់។
ករណីដ៏រន្ធត់នេះកើតឡើងនៅចន្លោះវេលាម៉ោង៩និង២០នាទីព្រឹកថ្ងៃទី០២មិថុនា២០២៦នៅលើដងផ្លូវខាងលិចវត្តព្រៃយាយ ស្ថិតនៅក្នុងភូមិបាវិតលើសង្កាត់បាវិតក្រុងបាវិត។
ទាក់ទិនករណីនេះដែរ សមត្ថកិច្ចមិនទាន់ផ្តល់ព័ត៌មានដល់អ្នកសារព័ត៌មានទេ ដោយក្រុមសមត្ថកិច្ចការិយាល័យបច្ចេកទេសកំពុងពិនិត្យនិងធ្វើកោសល្យវិច្ច័យ ហើយកម្លាំងសនត្ថកិច្ចជាច្រើនបានកំពុងចុះស្រាវជ្រាវរកក្មាន់កាំភ្លើងដែលបាញ់ប្រហារជនរងគ្រោះយកមកផ្តន្ទាទោសតាមច្បាប់។
ក្នុងពេលនោះដែរក៏មានវត្តមានលោកព្រះរាជអាជ្ញាររងនៃអយ្យការអមសាលាដំបូងខេត្តស្វាតរៀងចុះសម្របសម្រួលផងដែរ។
ក្រោយពីសមត្ថកិច្ចធ្វើកោសល្យវិច្ច័យរួចរៀបចំសព រកអត្តសញ្ញាណសព ដឹកបញ្ជូនទៅតម្កល់នៅវត្តព្រៃយាយ ត្រៀមយកទៅឲ្យស្ថានទូតប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ