ខ្យល់កន្រ្តាក់ ១០០លើក កើតមាននៅកម្ពុជាក្នុងរយៈពេលបួនខែ
- ភ្នំពេញ
ក្រោមឥទ្ធិពលនៃព្យុះមួយចំនួន និងបាតុភូតអាកាសធាតុនានា នៅក្នុងរយៈពេល ៤ខែនៃឆ្នាំ២០២៦ នេះគណៈកម្មាធិការជាតិគ្រប់គ្រងគ្រោះមហន្តរាយបានអះអាងថា កម្ពុជាបានរងគ្រោះនឹងបាតុភូតខ្យល់កន្ត្រាក់ តិចជាងមុនបន្តិច ហើយគ្រោះមហន្តរាយក៏នៅតិចជាងមុនដែរ ។
ប្រភពដដែលបានឲ្យដឹងថា ពីខែមករា ដល់ខែមេសា ឆ្នាំ២០២៦ កន្លងទៅនេះ ខ្យល់កន្ត្រាក់បានកើតឡើងចំនួន១០០លើក បណ្តាលឱ្យរលំផ្ទះចំនួន១៥៦ខ្នង របើកដំបូលផ្ទះចំនួន១.៤៣៧ខ្នង សាលារៀន៣៧ខ្នង តូបផ្សារ៦តូប អគាររដ្ឋបាល៨កន្លែង ស្លា.ប់១នាក់ និងរបួស៨នាក់។
ផ្អែកតាមស្ថិតិនេះ ទំហំនៃគ្រោះមហន្តរាយដែលបណ្តាលមកពីខ្យល់កន្ត្រាក់នៅក្នុងអំឡុងពេលនេះ ក៏តូចជាងមុនផងដែរ ។
ប្រភពដដែលបានអះអាងថា កាលពី៤ខែ នៃឆ្នាំ២០២៥ ខ្យល់កន្ត្រាក់ បានកើតឡើងចំនួន ១០៧លើក បានបណ្តាលឱ្យរលំផ្ទះចំនួន២៦៧ ខ្នង ផ្ទះរបើកដំបូលចំនួន ៣.៦៩២ ខ្នង សាលារៀន ២៨ អគារតូបផ្សារ ១៤ តូបអគាររដ្ឋបាល ១២កន្លែង ស្លា.ប់មនុស្ស ៤នាក់ និងរងរបួស១៥ នាក់។
នេះ គឺជាគ្រោះមហន្តរាយកត់ត្រា ៤ខែប៉ុណ្ណោះ ខណៈដែលមកដល់ពេលនេះ កម្ពុជាទើបតែទទួលរងឥទ្ធិពលនៃព្យុះត្រឹម៦ប៉ុណ្ណោះ ហើយនៅសេសសល់ព្យុះប្រមាណជាជា២០ទៀត ៕
ចែករំលែកព័តមាននេះ