ក្រុមប្រឹក្សាសន្តិសុខអ.ស.បបានថ្កោលទោសកាលពីថ្ងៃទី៣ សីហា ក្នុងសេចក្តីថ្លែងការណ៍មួយចំពោះការប្រើកម្លាំងប្រឆាំងបណ្តាជនស៊ីវិលដោយអាជ្ញាធរស៊ីរី ដែលនោះ ជាការផ្តួចផ្តើមគំនិតសំខាន់មួយរបស់ក្រុមប្រឹក្សានេះតាំងពីចាប់ផ្តើមការបះបោរប្រឆាំងប្រធានាធិបតីស៊ីរីលោកបាចា អាល់ អាសាដ មក ។
ក្រុមប្រឹក្សាសន្តិសុខអ.ស.បបានថ្កោលទោសកាលពីថ្ងៃទី៣ សីហា ក្នុងសេចក្តីថ្លែងការណ៍មួយចំពោះការប្រើកម្លាំងប្រឆាំងបណ្តាជនស៊ីវិលដោយអាជ្ញាធរស៊ីរី ដែលនោះ ជាការផ្តួចផ្តើមគំនិតសំខាន់មួយរបស់ក្រុមប្រឹក្សានេះតាំងពីចាប់ផ្តើមការបះបោរប្រឆាំងប្រធានាធិបតីស៊ីរីលោកបាចា អាល់ អាសាដ មក ។
ប្រទេសលីបង់ជាសមាជិកមិនអចិន្ត្រៃយ៍មួយ ហើយនៅជាប់ជិតខាងស៊ីរីដកខ្លួនចេញពីសេចក្តីថ្លែងការណ៍នោះ ដើម្បីកុំឱ្យទើសទាល់សមាជិក១៤ទៀត អនុម័តសេចក្តីថ្លែងការណ៍នោះ ។ សេចក្តីថ្លែងការណ៍អានដោយប្រធានក្រុមប្រឹក្សាសន្តិសុខដែលដល់វេនឥណ្ឌាបានថ្កោលទោសចំពោះការរំលោភបំពានសិទ្ធិមនុស្សនិងការប្រើប្រាស់កម្លាំងប្រឆាំងជនស៊ីវិលដោយអាជ្ញាធរស៊ីរី ។
សេចក្តីថ្លែងការណ៍នោះ ក៏អំពាវនាវផងដែរឱ្យបញ្ឈប់ជាបន្ទាន់នូវរាល់អំពើហិង្សាហើយជំរុញដល់គ្រប់ភាគីឱ្យមានការអត់ធ្មត់ខ្លាំងបំផុត ហើយចៀសវាងការសងសឹកគ្នាក្នុងនោះរួមមានការវាយប្រហារប្រឆាំងបណ្តាស្ថាប័នរដ្ឋផងដែរ ។ ឃ្លាចុងក្រោយនេះអាចជំនះលើការប្រកាន់ជំហររឹងរបស់រុស្ស៊ី និងប្រទេសដទៃៗទៀតដែលចង់ឱ្យអនុម័តសេចក្តីថ្លែងការណ៍ដែលមានតុល្យភាពរវាងក្រុមទាំង២ដែលទទួលខុសត្រូវលើអំពើហិង្សាដូចគ្នា ។
សេចក្តីថ្លែងការណ៍របស់ក្រុមប្រឹក្សាសន្តិសុខអ.ស.ប ពុំចាំបាច់ឆ្លងកាត់ការបោះឆ្នោតឡើយ ក៏ប៉ុន្តែតាមទ្រឹស្តីត្រូវអនុម័តជាឯកច្ឆ័ន្ទដោយសមាជិកទាំង១៥ ។ ក៏ប៉ុន្តែប្រទេសមួយអាចអនុប្បវាទដូចករណីប្រទេសលីបង់ដែលនោះជាករណីកម្រ តែធ្លាប់មានពីមុនរួចហើយ ៕
ចែករំលែកព័តមាននេះ