ខេត្តពោធិ៍សាត់ ៖ ក្រសួងសាធារណការ និងដឹកជញ្ជូន បានឲ្យដឹងថា នៅវេលាយប់ថ្ងៃទី៣១ ដល់ថ្ងៃទី១ ខែមិថុនា ឆ្នាំ២០២៦ ដោយអនុវត្តតាមបទបញ្ជាផ្ទាល់របស់ឯកឧត្តមរដ្ឋមន្ត្រី និងជាប្រធានគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ក្រុមការងារពិសេស ដឹកនាំដោយលោក ឯក រដ្ឋ អនុរដ្ឋលេខាធិការ និងជាប្រធានក្រុម សហការជាមួយមន្ត្រីស្ថានីយឃ្លាំងមឿង បានចុះបង្ក្រាបយានយន្តធុនធ្ងន់ដឹកលើសទម្ងន់កម្រិតកំណត់នៅចំណុច២ទីតាំងផ្សេងគ្នា ដោយទទួលបានលទ្ធផលដូចខាងក្រោម ៖
-នៅផ្លូវជាតិលេខ៥៥ គីឡូម៉ែត្រលេខ៣ ស្រុកបាកាន ខេត្តពោធិ៍សាត់ បានត្រួតពិនិត្យយានយន្តចំនួន ២គ្រឿង ប្រភេទសណ្តោងសឺមីរ៉ឺម៉កភ្លៅ៦ ដោយផ្ទុកទម្ងន់សរុប ៨៧តោន និង ៩០តោន គិតជាទម្ងន់លើសស្មើនឹង ៤២តោន និង ៤៥តោន ។
-នៅផ្លូវជាតិលេខ៥ ចន្លោះគីឡូម៉ែត្រលេខ១៩១ និងគីឡូម៉ែត្រលេខ១៩២ ស្រុកបាកាន ខេត្តពោធិ៍សាត់ បានត្រួតពិនិត្យយានយន្តចំនួន ៤គ្រឿង ប្រភេទរថយន្តភ្លៅ៤ ដោយផ្ទុកទម្ងន់សរុបចន្លោះ៣៨តោន ដល់ ៤៥តោន គិតជាទម្ងន់លើសស្មើនឹង៨តោន រហូតដល់ ១៥តោន ៕
ចែករំលែកព័តមាននេះ