បារាំង-រុស្ស៊ី ៖ កងម៉ារីនបារាំង កាលពីថ្ងៃទី៣១ ឧសភា បានចាប់នាវាដឹកប្រេង១គ្រឿងមកពីរុស្ស៊ី ក្នុងឱកាសនៃប្រតិបត្តិការមួយឯនាយសមុទ្រក្នុងមហាសមុទ្រអត្លង់ទិក ជាមួយការជួយទ្រទ្រង់របស់ដៃគូជាច្រើន ក្នុងនោះ មានអង់គ្លេសដែរ ។ នេះបើតាមការប្រកាស កាលពីថ្ងៃទី១ មិថុនា តាមបណ្ដាញសង្គមX របស់ប្រមុខរដ្ឋបារាំងលោកអេមម៉ានុយអែលម៉ាក្រុង។
ក្នុងសារមួយជាមួយបណ្ដារូបភាពនៃការចាប់នាវានោះ លោកម៉ាក្រុងបន្តថា វាជាការមិនអាចទទួលយកបានដែលបណ្ដានាវាដែលពង្វាងទណ្ឌកម្មអន្តរជាតិ រំលោភបំពានច្បាប់សមុទ្រ ហើយយកប្រាក់ទៅធ្វើសង្គ្រាម ប្រឆាំងអ៊ុយក្រែនចាប់តាំងពីជាង៤ឆ្នាំមកហើយ ។
នេះជាការស្ទាក់ចាប់នាវាដឹកប្រេងលើកទី៤ហើយរបស់បារាំង ដែលចូលរួមក្នុងការតស៊ូប្រឆាំងកងនាវាខ្មោច
រុស្ស៊ី៕
ចែករំលែកព័តមាននេះ