សង្គ្រាមអ៉ីរ៉ង់ ៖ អាមេរិកប្រកាស នាថ្ងៃទី៣១ ឧសភា ថា បានធ្វើការវាយប្រហារថ្មីទៀតលើភាគខាងត្បូងអ៉ីរ៉ង់ កាលពីចុងសប្ដាហ៍សំដៅលើប្រព័ន្ធរ៉ាដា និងប្រព័ន្ធត្រួតពិនិត្យដ្រូន ទោះបីមានបទឈប់គ្នាដែលនៅជាធរមានរវាងប្រទេសទាំង២ក្ដី ។
នេះជាការវាយប្រហារលើកទី៣របស់អាមេរិកលើភាគខាងត្បូងអ៉ីរ៉ង់ រយៈពេលត្រឹមតែមួយសប្ដាហ៍បន្តិច ។ ការវាយប្រហារថ្មីនេះ សំដៅលើទីក្រុង GORUK ភាគខាងត្បូងអ៉ីរ៉ង និងកោះQESHM ជិតច្រកសមុទ្រហ័រមូស។ ប្រតិបត្តិការទាំងនោះធ្វើឡើង កាលពីថ្ងៃទី៣០ និង៣១ ឧសភា ជាការឆ្លើយតបចំពោះការវាយប្រហាររបស់អ៉ីរ៉ង់
កម្ទេចដ្រូនធុនMQ-1មួយគ្រឿងរបស់អាមេរិក ដែលធ្វើប្រតិបត្តិការណ៍ពីលើដែនទឹកអន្តរជាតិ ។
ចំណែកកងកម្លាំងឆ្មាំបដិវត្តន៍អ៉ីរ៉ង់ ប្រកាសនាថ្ងៃទី១ មិថុនា ថា បានវាយប្រហារមូលដ្ឋានមួយដែលប្រើប្រាស់ដោយកងទ័ពអាមេរិក ដើម្បីវាយប្រហារលើដែនដីខ្លួន ។ គេមិនបានបញ្ជាក់ថា តើទីតាំងនោះស្ថិតនៅទីណាឡើយ តែមុននេះ បន្តិចកងទ័ពគុយវ៉ែតប្រកាសថា បានប្រឈមមុខនឹងការវាយប្រហារដោយដ្រូន និងមីស៊ីល។
ម្យ៉ាងទៀត កងទ័ពអាមេរិកប្រកាសកាលពីយប់ថ្ងៃទី៣០ ឧសភា ថា កងកម្លាំងខ្លួនបានរារាំងនាវាដឹកទំនិញ្១គ្រឿងដែលប៉ុនប៉ងទម្លុះការហ៊ុមព័ទ្ធកំពង់ផែអ៉ីរ៉ង់ ដោយបាញ់មីស៊ីលមួយគ្រាប់សំដៅបន្ទប់ម៉ាស៊ីន ។
តាមទីបញ្ជាការដ្ឋានកណ្ដាលកងទ័ពអាមេរិកនៅមជ្ឈឹមបូព៌ាថា នាវាកាហ្គោឈ្មោះLYANSTARដោតទង់ជាតិហ្គាំប៊ីនោះ ធ្វើមិនដឹងមិនឮចំពោះការបាញ់ព្រមាន២០លើក ពីសំណាក់កងទ័ពអាមេរិកនាពេលយប់ ខណៈប៉ុនប៉ងបើកចូលក្នុងកំពង់អ៉ីរ៉ង់មួយ ។ នាវានោះ ស្ថិតក្នុងឈូងសមុទ្រអូម៉ង់ ដោយកងទ័ពអាមេរិកមិនបានឡើងចូលឡើយ។
សកម្មភាពនោះ កើតមានបន្ទាប់ពីមានការប្រទូស្តរ៉ាយគ្នាជាថ្មី ក្នុងសប្ដាហ៍កន្លងទៅក៏ទោះបីមានបទឈប់បាញ់គ្នាដ៏ផុយស្រួយដែលចូលជាធរមានចាប់តាំងពីថ្ងៃទី៧មេសាមកក្ដី ។ ជាមួយអន្តរាគមន៍ថ្មីនេះ កងទ័ពអាមេរិក បានរារាំងនាវា៦គ្រឿងទៀត ដែលប៉ុនប៉ងទម្លុះការហ៊ុមព័ទ្ធ ហើយក្នុងចណោមនាវាទាំងនេះមានតែ១គ្រឿងដែលអនុញ្ញាតឲ្យបន្តដំណើរ ។ ចំណែកនាវាដល់១១៦គ្រឿងត្រូវបង្ខំចិត្តបកក្រោយវិញ ។
ក្នុងបទសម្ភាសន៍មួយជាមួយទូរទស្សន៍ FOX NEWS កាលពីថ្ងៃទី៣០ ឧសភា ប្រធានាធិបតីអាមេរិកលោកដូ
ណាល់ ត្រាំ អះអាងថា លោកបានទទួលការសន្យារបស់អ៉ីរ៉ង់ថា នឹងមិនបំពាក់អាវុធនុយក្លេអ៊ែរឡើយ ដោយមិនផលិតក្នុងស្រុកឬទិញពីបរទេស។ រឿងនេះជាចំណុចសំខាន់មួយនៃការចរចាដើម្បីបញ្ចប់សង្គ្រាម ៕
ចែករំលែកព័តមាននេះ