រាជធានីភ្នំពេញ ៖ សហមេធាវីលោក កឹម សុខា បានបញ្ជាក់ទៅកាន់អ្នកដែលធ្វើការបកស្រាយករណីព្រះមហាក្សត្រលើកលែងទោសលោកកឹម សុខា ដោយប្រមុខរដ្ឋស្តីទីថា ជាការបកស្រាយដើម្បីកេងចំណេញនយោបាយសម្រាប់ខ្លួនឯងតែរៀងៗខ្លួន ហើយហាក់ដូចមានចេតនាបង្ខូច ឬបន្តុះបង្អាប់ឯកឧត្តម កឹម សុខា ។
លោក ផែង ហេង សហមេធាវី លោក កឹម សុខា បានឱ្យដឹងនៅថ្ងៃទី១ ខែមិថុនា ឆ្នាំ២០២៦ថា ៖«ខ្ញុំមិនបកស្រាយជំនួសឯកឧត្តម កឹម សុខា នោះទេ ។ ប៉ុន្តែខ្ញុំចង់ប្រាប់ ទៅអ្នកបកស្រាយរឿងក្តីរបស់ឯកឧត្តម កឹម សុខា ។ ខ្ញុំយល់ថា ការបកស្រាយកេងចំណេញនយោបាយសម្រាប់ខ្លួនឯងតែរៀងៗខ្លួន ហើយហាក់ដូចមានចេតនាបង្ខូច ឬបន្តុះបង្អាប់ឯកឧត្តម កឹម សុខា ទៅវិញទេ (Discredit) » ។
លោកមេធាវី បានលើកឡើងថា លោកកឹម សុខា ជាជនរងគ្រោះពីការចោទគ្មានអង្គហេតុ ឬគ្មានមូលដ្ឋាន ដូចសហរដ្ឋអាមេរិកតែងតែថ្លែងការណ៍ (statement) ។ សួរថា បើគាត់មិនតស៊ូ ដើម្បីយុត្តិធម៌ តើឲ្យគាត់តស៊ូយកអ្វី? បើគាត់ចុះចូលដោះដូរថ្នូរ ឬជាប់គុកសិប្បនិមិត្ម ម្លេះគាត់មានលុយ និងសេរីភាពពេញលេញ មើលសារលោកគ្រូបណ្ឌិត ឡៅ ម៉ុងហៃ «លោក កឹម សុខា មិនខុសពីអនុប្រជាជនទេដឹង?»
ជាមួយគ្នានោះដែរ លោកមេធាវី ក៏លើកឡើងទៀតថា សម្រាប់លោកជាអ្នកច្បាប់មើលឃើញ ជម្រើស ២ គឺ ៖ ទី១ ដោះស្រាយតាមរយៈតុលាការ គឺបដិសេធសេចក្តីសម្រេចរបស់តុលាការថ្នាក់ក្រោម ដើម្បីយុត្តិធម៌ និងនីតិរដ្ឋ ហើយបានផ្សះផ្សារបួសផ្លូវចិត្ត និងការទូតជាមួយសហរដ្ឋអាមេរិក ជាពិសេសលោកប្រធានាធិបតី ដូណាល់ ត្រាំ និងលោក ចូ បៃឌិត ដែលខំបញ្ជាក់ភាពស្អាតស្អំកន្លងមក ។ ទី២ ផ្សះផ្សាជាតិដោយអ្នកនយោបាយខ្មែរនិយាយគ្នា ។ ប៉ុន្តែបើព្រះរាជក្រឹត្យនៅមានលក្ខណៈបែបនយោបាយ (បិទសិទ្ធិមិនឲ្យគាត់ធ្វើនយោបាយ) តើឯកឧត្តម កឹម សុខា ឯណាមិនចង់បានសេរីភាពពេញលេញជាពលរដ្ឋខ្មែរ?
សម្តេច ហ៊ុន សែន ធ្លាប់និយាយនៅពេលលោក កឹម សុខា ទៅបុណ្យសពថា ៖ អ្នកនយោបាយ បើមិនធ្វើនយោបាយ ។ លោកថា ដើម្បីបានផ្សះផ្សាជាតិពេញលេញតាមស្មារតីរដ្ឋធម្មនុញ្ញ ឆ្នាំ១៩៩៣ គណបក្សប្រជាជនត្រូវហ៊ានលះបង់ ដូចសម្តេចក្រុមព្រះ នរោត្តម រណឫទ្ធិ បានធ្វើក្នុងឆ្នាំ ១៩៩៣ ឆ្នាំ ១៩៩៤ គឺមានជម្រើស ២ គឺទី ១ តាមមធ្យោបាយ នាយករដ្ឋមន្ត្រី ធ្វើសំណើថ្វាយព្រះមហាក្សត្រ សុំលើកលែងទាំងស្រុងនូវទោសបន្ថែម ឬអនុទោសដែលនៅសេសសល់ ឬទី២ សុំឲ្យតុលាការផ្តល់នីតិសម្បទាពេញលេញជូនឯកឧត្តម កឹម សុខា ឡើងវិញ ៕
ចែករំលែកព័តមាននេះ