កម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃបង្ក្រាបករណីចាប់បង្ខាំងមនុស្សខុសច្បាប់ និងជំរិតទារប្រាក់ចំនួន២នាក់
- ភ្នំពេញ
រាជធានីភ្នំពេញ ៖ ដោយអនុវត្តតាមបទបញ្ជារបស់ឯកឧត្តម នាយឧត្តមសេនីយ៍ ស ថេត កម្លាំងនាយកដ្ឋាននគរបាលព្រហ្មទណ្ឌនៃក្រសួងមហាផ្ទៃ បង្ក្រាបករណីចាប់បង្ខាំងមនុស្សខុសច្បាប់ និងជំរិតទារប្រាក់ចំនួន២នាក់។
យោងតាមនាយកដ្ឋាននគរបាលព្រហ្មទណ្ឌនៃអគ្គស្នការដ្ឋាននគបាលជាតិក្រសួងមហាផ្ទៃបានឱ្យដឹងថា
នៅថ្ងៃទី២៧ ខែឧសភា ឆ្នាំ២០២៦ នាយកដ្ឋាននគរបាលព្រហ្មទណ្ឌ បានទទួលពាក្យបណ្តឹងរបស់ឈ្មោះ Liu Weihua ភេទប្រុស អាយុ៤៣ឆ្នាំ ជនជាតិចិន ដោយក្មួយស្រីរបស់ឈ្មោះ Huang Xiyi ភេទស្រី អាយុ២២ឆ្នាំ ជនជាតិចិន ត្រូវបានជនមិនស្គាល់អត្តសញ្ញាណធ្វើសកម្មភាព បង្ខាំង និងជំរិតទារប្រាក់ចំនួន២លានយាន់។
ក្រោយពីទទួលបានពាក្យបណ្តឹងខាងលើ ដោយទទួលបទបញ្ជាពីលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងជំនាញដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន វរសេនីយ៍ឯក ហែម
បូណា និងវរសេនីយ៍ឯក ឆាន់ គីមលី អនុប្រធាននាយកដ្ឋាន បានធ្វើការស្រាវជ្រាវតាមនីតិវិធី និងជំនាញរហូតកំណត់បានទីតាំងបង្ខាំងខាងលើ។
នៅថ្ងៃ.ខែ.ឆ្នាំដដែល វេលាម៉ោង១៦៖១០នាទី កម្លាំងជំនាញបានធ្វើការជួយសង្គ្រោះបានជនរងគ្រោះចំនួន០៣នាក់ រួមមាន៖
១-ឈ្មោះ HUANG XIYI ភេទស្រី អាយុ២២ឆ្នាំ ជនជាតិចិន
២-ឈ្មោះ XU YUE ភេទស្រី អាយុ៣០ឆ្នាំ ជនជាតិចិន
៣-ឈ្មោះ DIAN JIE ភេទស្រី អាយុ២៦ឆ្នាំ ជនជាតិចិន
ប្រភពបានលើកឡើងថាសមត្ថកិច្ច ធ្វើការឃាត់ខ្លួនបានជនសង្ស័យចំនួន ០២នាក់រួមមាន៖
១-ឈ្មោះ AR SAN ភេទប្រុស អាយុ២៩ឆ្នាំ ជនជាតិមីយ៉ាន់ម៉ា
២-ឈ្មោះ AI NI ភេទប្រុស អាយុ២០ឆ្នាំ ជនជាតិមីយ៉ាន់ម៉ា ត្រង់ចំណុចភូមិភៀនសារ ឃុំព្រះនិពាន្ធ ស្រុកគងពិសី ខេត្តកំពង់ស្ពឺ ។ បច្ចុប្បន្ន ជនសង្ស័យ និងជនរងគ្រោះកំពុងបញ្ជូនទៅកាន់នាយកដ្ឋាននគរ បាលព្រហ្មទណ្ឌ ដើម្បីសាកសួរ ៕
ចែករំលែកព័តមាននេះ