រាជធានីភ្នំពេញ ៖ ប្រជាពលរដ្ឋនៅក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ បាននាំគ្នាឡោមព័ទ្ធចាប់ចោរគាស់ផ្ទះម្នាក់ ក្នុងចំណោម២នាក់ កាលពីវេលាម៉ោង១០និង៣០នាទីព្រឹកថ្ងៃទី២ សីហា ២០១១ នៅចំណុចផ្ទះលេខ២៤០ ក្រុម៣ ផ្លូវលំ ភូមិបន្លាស្អិត សង្កាត់ឃ្មួញ យ៉ាងតឹងរ៉ឹង បន្ទាប់ពីចោរម្នាក់
រាជធានីភ្នំពេញ ៖ ប្រជាពលរដ្ឋនៅក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ បាននាំគ្នាឡោមព័ទ្ធចាប់ចោរគាស់ផ្ទះម្នាក់ ក្នុងចំណោម២នាក់ កាលពីវេលាម៉ោង១០និង៣០នាទីព្រឹកថ្ងៃទី២ សីហា ២០១១ នៅចំណុចផ្ទះលេខ២៤០ ក្រុម៣ ផ្លូវលំ ភូមិបន្លាស្អិត សង្កាត់ឃ្មួញ យ៉ាងតឹងរ៉ឹង បន្ទាប់ពីចោរម្នាក់នេះបានធ្វើសកម្មភាពគាស់ផ្ទះប្រជាពលរដ្ឋក្នុងភូមិខាងលើហើយចាប់បានប្រគល់ជូនប៉ូលិស ។
យោងតាមសម្តីរបស់អ្នកស្រីផាន នេត អាយុ៤៦ឆ្នាំ មុខរបរលក់ដូរ ជាម្ចាស់ផ្ទះដែលត្រូវចោរលួចគាស់បាននិយាយថា នៅម៉ោង៨និង៣០នាទីព្រឹក អ្នក ស្រីបានទៅផ្សារ ដើម្បីទិញម្ហូប លុះដល់ម៉ោង១០និង៣០នាទី រូបគាត់ក៏ត្រឡប់មកពីផ្សារវិញ ស្រាប់តែឃើញទ្វារផ្ទះរបើក ពេលអើតមើលស្រាប់តែឃើញយុវជនម្នាក់អង្គុយក្នុងផ្ទះរបស់គាត់កំពុងរើអីវ៉ាន់។ ឃើញដូច្នេះ រូបគាត់បានស្រែកប្រាប់អ្នកជិតខាងឱ្យជួយចាប់ បន្តិចនោះប្រជាពលរដ្ឋដែលនៅជិតគ្នាផ្អើលឆោឡោចេញព័ទ្ធ ដើម្បីចាប់ចោរ ហើយត្រូវចាប់បានភ្លាមៗតែម្តង។
សូមបញ្ជាក់ថា តាមពិតទៅ ពួកចោរគាស់ផ្ទះទាំងអស់មានគ្នា២នាក់ គឺម្នាក់ចូលទៅរុះរើអីវ៉ាន់ និងម្នាក់ទៀតរង់ចាំមើលផ្លូវនៅខាងក្រៅ លុះពេលប្រជាពលរដ្ឋផ្អើលឆោឡោក៏រត់គេចខ្លួនបាត់ នៅសល់តែម្នាក់ត្រូវចាប់បាន ។ ស្ត្រីម្ចាស់ផ្ទះបន្តថា ចោរម្នាក់ដែលចាប់ខ្លួនបាននោះត្រូវបញ្ជូនឱ្យប៉ូលិសខណ្ឌសែនសុខ ចាត់ការតាមផ្លូវច្បាប់ហើយ។ សូមបញ្ជាក់ថា ពេលឃើញចោរនោះ នៅក្នុងផ្ទះ រូបគាត់ជាម្ចាស់ផ្ទះបានទូរស័ព្ទទៅប្តឹងប៉ូលិសដែរ តែរង់ចាំប៉ូលិសខណ្ឌសែនសុខយូរពេក ខ្លាចចោរយកអីវ៉ាន់គាត់អស់ ហើយរត់បាត់ទៅ ទើបគាត់ស្រែកប្រាប់អ្នកជិតខាងឱ្យជួយចាប់សិនហើយចាំយកឱ្យប៉ូលិសតាមក្រោយ ។ គួរបញ្ជាក់ផងដែរថា កាលពីថ្ងៃទី៣០ កក្កដា ២០១១ ក៏មានករណីគាស់ទូដែក ក្នុងមន្ទីរអភិវឌ្ឍន៍ជនបទដែរ តែត្រូវជនល្មើសរត់គេចខ្លួនបាត់ ដោយសុវត្ថិភាព។
ចោរដែលគាស់ផ្ទះនេះឈ្មោះហុង សុភា អាយុ១៨ឆ្នាំ គ្មានមុខរបរពិតប្រាកដ មានស្រុកកំណើតនៅភូមិសំរោងទង ស្រុកសំរោងទង ខេត្តកំពង់ស្ពឺ ជនជាប់សង្ស័យម្នាក់នេះបាននិយាយថា ខ្លួនទើបតែមកដល់ទីក្រុងបាន១ថ្ងៃ ហើយបានរាប់អានមិត្តភក្តិម្នាក់ទៀត ឈ្មោះរិត បន្ទាប់មកឈ្មោះរិត បាននាំរូបគេ (ហុង សុភាព)ឱ្យទៅគាស់ផ្ទះអ្នកភូមិក៏ត្រូវម្ចាស់គេទាន់ ចាប់ខ្លួនជាប់តែម្តង។ ពេលនេះសមត្ថកិច្ចប៉ូលិសខណ្ឌសែនសុខ កំពុងតែតាមចាប់ឈ្មោះរិត ម្នាក់ទៀត ដើម្បីយកមកផ្តន្ទាទោស៕
ចែករំលែកព័តមាននេះ