ជនក្លែងប.ន្លំជាសង្ឃ៩នាក់ ត្រូវតុលាការសម្រេចឃុំខ្លួនដាក់ពន្ធនាគារជាបណ្តោះអាសន្នពីបទឆបោ.ក តាមរូបភាពដើរបិណ្ឌបាត្រ
- ភ្នំពេញ
រាជធានីភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី២៧ ខែឧសភា ឆ្នាំ២០១៦ បានសម្រេចឃុំខ្លួនជនក្លែងបន្លំធ្វើជាសង្ឃចំនួន៩ នាក់ ដាក់ពន្ធនាគារជាបណ្តោះអាស ន្ន ក្រោមការចោទប្រកាន់ពីបទ.ឆបោក តាមរូបភាពគ្រងឯកស ណ្ឋានបន្លំធ្វើជាសង្ឃដើរបណ្ឌិបាត្រ ។ គួររំលឹកថា នរណាខ្លះធ្លាប់ដាក់បាត្រ និងថ្វាយបង្គំ? ជនក្លែងជាសង្ឃ៩នាក់ ត្រូវឃាត់ខ្លួនចាត់ការតាមច្បាប់
ជនជាប់ចោទទាំង៩ នាក់នោះរួមមាន ៖
១.ឈ្មោះ អេម ឆុង ភេទប្រុស អាយុ៣១ ឆ្នាំ មានស្រុកកំណើតនៅភូមិព្រៃត្រាំង ឃុំដងទង់ ស្រុកដងទង់ ខេត្តកំពត និងស្នាក់នៅផ្ទះជួលម្ដុំបុរីសែនមនោរម្យ សង្កាត់កន្តោក ខណ្ឌកំបូល រាជធានីភ្នំពេញ ។
២.ឈ្មោះ ញឹម សារ៉ាន់ ភេទប្រុស អាយុ៣៥ ឆ្នាំ មានប្រពន្ធនិងកូន៣នាក់ ។
៣.ឈ្មោះ ញ៉ែត វុទ្ធី ភេទប្រុស អាយុ៥៩ ឆ្នាំ មានប្រពន្ធនិងកូន៣នាក់ និងធ្លាប់បួសជាសង្ឃម្តង ។
៤.ឈ្មោះ យៀត ស្រូយ អាយុ៣៥ ឆ្នាំ
៥.ឈ្មោះ នឿន សារ៉ន ភេទប្រុស អាយុ២០ ឆ្នាំ មានប្រពន្ធ និងមានទីលំនៅខេត្តកំពត ។
៦.ឈ្មោះ សេង ហៀប ភេទប្រុស អាយុ៥០ ឆ្នាំ ស្រុកកំណើតនៅខេត្តបាត់ដំបង ធ្លាប់មានប្រពន្ធនិងកូន៦ នាក់ ប៉ុន្តែបានលែងលះគ្នា១០ ឆ្នាំមកហើយ ។
៧.ឈ្មោះ នូ លន់ អាយុ៥៦ ឆ្នាំ ស្រុកកំណើតនៅភូមិដំរីលែង ស្រុកដងទង់ ខេត្តកំពត មកស្នាក់នៅផ្ទះជួលភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ ។
៨.ឈ្មោះ អ៊ិន ហាប់ ភេទប្រុស អាយុ៣៧ ឆ្នាំ ស្រុកកំណើតនៅខេត្តកំពត មកស្នាក់នៅផ្ទះជួលភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ។
៩.ឈ្មោះ ឯល ឌុច អាយុ៤៧ ឆ្នាំ នៅស្រុកឈូក ខេត្តកំពត មកនៅវត្តតាំងកសាង សង្កាត់កាកាបទី២ ខណ្ឌពោធិ៍សែនជ័យ ។ ក្រោយឃាត់ខ្លួនជនទាំង៩ នាក់ ត្រូវបានសមត្ថកិច្ចដកហូតវត្ថុតាងមាន ស្បង់ចីវរ និងបាត្រ ។
ជនក្លែងជាសង្ឃចំនួន៩ នាក់ ត្រូវបានព្រះអនុគណខណ្ឌពោធិ៍សែនជ័យ ដឹកនាំកម្លាំងរដ្ឋបាលខណ្ឌពោធិ៍សែនជ័យ រដ្ឋបាលសង្កាត់ចោមចៅទី៣ រដ្ឋបាលសង្កាត់សំរោងក្រោម ព្រមទាំងកម្លាំងនគរបាលប៉ុស្តិ៍សង្កាត់ទាំង២ ធ្វើការឃាត់ខ្លួន កាលពីវេលាព្រឹកថ្ងៃ២២ ខែឧសភា ឆ្នាំ២០២៦ នៅតាមមហាវិថីឈ្នះឈ្នះ ភូមិជង្រុក សង្កាត់ត្រពាំងក្រសាំង និងភូមិជម្ពូវ័ន២ និងភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ខណៈដែលពួកគេកំពុងដើរបិណ្ឌបាត្រ ។
សូមជម្រាបថា នៅថ្ងៃខែខាងលើ ជនសង្ស័យទាំង៩ នាក់ បានស្លៀកស្បង់ចីវរក្លែងបន្លំធ្វើជាព្រសង្ឃ ចេញដើរបិណ្ឌបាត្រនៅតាមទីប្រជុំជន ទីផ្សារ កន្លែងលក់ដូរ និងតាមបណ្ដាភូមិនានា តែដោយសារពុទ្ធបរិស័ទ មានជំនឿនិងគោរពប្រតិបត្តិវិស័យព្រះពុទ្ធសាសនា ហើយប្រជាពលរដ្ឋស្មានថាជននោះគឺជាព្រះសង្ឃស្រែ បុណ្យពិតប្រាកដ ក៏នាំគ្នាយកបាយទឹក នំចំណី និងថវិការ ដាក់ បាត្រ លុតជង្គង់ថ្វាយបង្គំសំពះប្រណម្យដោយក្ដីគោរព ដែលពុំបានដឹងថា ជននោះជាសង្ឃក្លែងក្លាយទេ រហូតដល់សមត្ថកិច្ចឃាត់ខ្លួនទើបដឹង និងភ្ញាក់ផ្អើលហួសចិត្តគ្រប់ៗ គ្នា ។
ក្រោយពេលឃាត់ខ្លួនជនក្លែងជាសង្ឃទាំង៩ នាក់ ត្រូវបានសម ត្តកិច្ចនិងមន្ត្រីជំនាញសង្ឃ ដោះស្បង់ចីវរ រួចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញតាមនីតិវិធី ៕
ចែករំលែកព័តមាននេះ